Lex Delles

#Vakanzdoheem

D’lescht Joer hu vill Leit an der Coronazäit Vakanz doheem gemaach. Besonnesch beléift waren historeschen a kulturelle Site besteet (Buergen, Schlässer, Muséeën, Kierchen, etc.) Awer och vill Lëtzebuerger sinn an hirer #Vakanzdoheem gewandert oder hunn d’Land mam Vëlo entdeckt.

De 4. Juni 2020 hat den Tourismusminister Lex Delles de Plang “Restart Tourism – Stabiliséieren. Adaptéieren. Promouvéieren.” presentéiert mat deem de Secteur verstäerkt soll ënnerstëtzt ginn. An deem Kader gouf och eng nei Campagne mam Numm “Lëtzebuerg, dat ass Vakanz” ugekënnegt. Dës Campagne hat als Zil de Lëtzebuerger an de Leit déi am noen Ausland liewe Loscht op eng Vakanz zu Lëtzebuerg maachen.

Mat Erfolleg. An de Méint Juli bis Oktober 2020 goufen an enger Villzuel Attraktiounen däitlech méi Visiteuren aus Lëtzebuerg gezielt. Dës sinn an der Moyenne ca. +40% bei Fräizäitsiten, +60% bei Buergen, a méi wéi eng Verdueblung vun de Visitten an den touristesche lnformatiounsbüroen iwwer Land. Eng Enquête huet ausserdeem gewisen, dass 69% vun eisen Hotelieren an 61% vun eise Campingsbedreiwer an der Saison 2020 eng Hausse vu Clients aus Lëtzebuerg festgestallt hunn.

Zu dësem Erfolleg huet sécherlech och de 50-Euro-lwwernuechtungsbong bäigedroen, deen de Lex Delles 2020 agefouert huet am Kader vum Plan de relance “Neistart Lëtzebuerg” fir déi national Wirtschaft an den Tourismussecteur ze ënnerstëtzen. Dëse Bong ka nach vu Frontalieren a Residenten iwwer 16 Joer an enger lwwernuechtungsstruktur zu Lëtzebuerg bis de 18. Abrëll ageléist ageléist ginn. insgesamt krute ronn 730.000 Persounen en 50-Euro-lwwernuechtungsbong zougeschéckt. Ongeféier 100.000 Bongen si schonn ageléist ginn.

Zu Lëtzebuerg dréit den Tourismus ongeféier 9% zum BIP bäi. Iwwer 30.000 Aarbechtsplazen si mat dësem Secteur verbonnen.

“Vakanz doheem ze maachen huet eis all erlaabt d’Schéinheet, d’Rou an d’Diversitéit vun eisem Land, seng Landschaft a seng Natur, op déi mir ganz houfreg kënne sinn, ze entdecken.” esou de Minister Lex Delles.

Deelen:

Share on facebook
Facebook
Share on twitter
Twitter
Share on linkedin
LinkedIn
Share on email
Email
Share on whatsapp
WhatsApp

Weider News

Startschoss fir de Klimabiergerrrot : Zesumme fir e bessere Klimaschutz

Fir d’Leit méi staark an d’Diskussioune ronderëm d’Klimapolitik anzebannen, hat de Premier Xavier Bettel am Oktober d’Schafe vun engem Klimabiergerrot annoncéiert – viru kuerzem huet hien déi genee Detailer dozou presentéiert. A senger Tribune libre geet de Generalsekretär vun der DP, de Claude Lamberty op dësen zu Lëtzebuerg eenzegaartege Projet an, an ënnersträicht d’Wichtegkeet vun enger ambitiéiser Klimapolitik, déi och vun de Bierger gedroe gëtt.

weiderliesen...
Pierre Gramegna

Communiqué de presse

Le Parti démocratique informe que Pierre Gramegna, ministre des Finances et du Budget, a annoncé sa volonté de démissionner de ses fonctions ministérielles pour des raisons personnelles.

weiderliesen...