Dégâts d’inondation dans le parc d’Echternach : pourquoi les réparations sont-elles toujours en suspens ?

Les dégâts causés par les inondations dans le parc d'Echternach n'ont toujours pas été réparés à ce jour. Les députés Carole Hartmann et André Bauler se sont renseignés auprès de la ministre de la Culture sur les raisons de ce retard et sur l'achèvement prévisionnel des travaux de réparation.

„ Bei de schroen Iwwerschwemmungen am Mount Juli gouf den Iechternacher Park staark getraff. Fënnef Méint no der Héichwaasserkatastroph ass de Park nach ëmmer an engem ganz schlechten Zoustand. D‘Reparaturaarbechte vun de Gemengenekippe goufen administrativ gestoppt a waarden elo säit dem 5. Oktober op d’Erlabnis vum Kulturministère a vum ‚Service des Sites et Monuments‘ fir dierfe virun ze fueren.

An deem Kader wollte mir der Madamm Kulturministesch folgend Froe stellen:

  • Wisou, an op Basis vu wéi engen gesetzlechen Dispositiounen, goufen d’Aarbechten am Iechternacher Park vum „Service des Sites et Monuments Nationaux“ gestoppt? Wéi laang leien d’Aarbechten elo schonn op Äis?
  • Mussen Opraumaarbechten a kleng Reparaturen am Fall vun enger Naturkatastroph am Virfeld autoriséiert ginn?
  • Hunn déi zoustänneg Instanzen de Bréif vum 5. Oktober vun der Gemeng Iechternach receptionnéiert? Wa jo, gouf d’Demande schonn traitéiert a fir wéini ass mat enger Äntwert ze rechnen?
  • Wéini kënnen d’Aarbechten fir d’Instandsetzung vun de Weeër, der Beliichtung, den Tennis-Terrain’en an dem Minigolf nees opgeholl ginn, a bis wéini sollen dës Reparaturen ofgeschloss sinn?
  • A wat fir engem Mooss ass de Pavillon am Iechternacher Park duerch d’Héichwaasser beschiedegt ginn? Wéi eng Reparaturen mussen hei genee duerchgefouert ginn a wat wäert de Käschtepunkt vun dëse Reparature sinn?“

Réponse

Fro 1

Den Iechternacher Park ass als Monument national klasséiert an all Aarbechten déi do solle stattfanne mussen deemno, laut dem modifizéierte Gesetz vum 18. Juli 1983 iwwert den Denkmalschutz, am Virfeld vum Kulturminister autoriséiert ginn. D’Gemeng Iechternach huet am Virfeld vun den Aarbechten awer keen Dossier agereecht an et gouf deemno keng Autorisatioun. 

Déi net autoriséiert Aarbechte vun der Gemeng sinn dunn opgrond vun de Rapporte vum Centre national de recherche archéologique a vum Service des sites et monuments nationaux gestoppt ginn. D’Gemeng gouf opgefuerdert en Dossier anzereechen, deen de 7. Oktober am Kulturministère ukomm ass. Vu datt den Dossier net komplett war, hu nach Elementer vun der Gemeng nogereecht misse ginn. Fir d’Weeër gouf eng Fiche technique vum Aggregat gefrot an och eng vum Zonk vum Mini-Golf. D’Fiche technique vum Aggregat ass de 14. Januar eragereecht ginn, also no der Autorisatioun. Fir den neien Zonk gouf nach keen Dokument eragereecht. 

Fro 2

Opraumaarbechten a kleng Reparature goufen hei keng gestoppt, et ware gréisser Aarbechten amgaangen. Déif Grief goufe gezunn, Elektresch gouf verluecht an eng nei Beliichtung an eng nei Beplanzung waren um Punkt fir installéiert ze ginn. Nei Zementsockele fir d’Beliichtung ware schon installéiert, dat nodeems di al Sockelen aus Steen ewech gemaach goufen. 

Fro 3

En onkompletten Dossier war de 7. Oktober erakomm. Bis deen opgeschafft a mëndlech kompletéiert gi war a no Reuniounen op der Platz, konnt ech den 20. Dezember 2021 eng Autorisatioun erstellen. Meng Servicer waren a regelméissegem Echange mat der Gemeng. 

Fro 4

D’Aarbechten un de Weeër an un hirer Beliichtung däerfen elo geschéien. Fir d’Beliichtung vun der Vëlospist muss eng nei Autorisatioun ugefrot ginn, well do nach déi al Beliichtung besteet. Ëm de Minigolf kënnt e neien Zonk. Fir den Tennis Terrain läit nach keng Demande vir. 

De Service des sites et monuments nationaux huet eng historesch an architektonesch Etüd iwwert de Park beoptraagt. Dës Etüd wäert och d’Flora analyséieren an ee präzisen Diagnostik erstellen. Opgrond vu där Analyse ginn déi konservatoresch a restoratoresch Moossname fir de ganze Park definéiert, sou wei d‘Charte de Florence et virgesäit. 

Fro 5

De Pavillon ass net weider vum Héichwaasser beschiedegt ginn. D‘Daachaarbechten déi elo amgaange si ware schonns virum Héichwaasser geplangt. Si hu misse gestoppt ginn well d’Gemeng Iechternach mat hiren onerlaabten Griefaarbechte bis un de Pavillon erugefuer war. Esou stoung d’Stee net méi sécher. 

Souhaitez-vous une traduction en français de cette question parlementaire ?

Partager :

Facebook
Twitter
LinkedIn
Email
WhatsApp

Plus de questions parlementaires

Stockage et distribution de comprimés d’iodure de potassium

Les communes sont responsables du stockage et de la distribution des comprimés d’iode à leurs citoyens. La députée du DP Mandy Minella a demandé aux ministres compétents quel était l’état actuel du stock de comprimés d’iode, si des comprimés d’iode étaient offerts à chaque citoyen et si une nouvelle campagne d’information devait être lancée.

lire plus...

De nouveaux locaux pour la maison médicale d’Ettelbruck ?

Le député du DP André Bauler a appris que la maison médicale d’Ettelbruck allait bénéficier de nouveaux locaux. Le député libéral s’est renseigné auprès de la Ministre de la Santé sur les détails de ces nouveaux locaux et a voulu savoir si les médecins disposent actuellement de l’équipement nécessaire pour assurer toutes leurs tâches, y compris administratives.

lire plus...

Les contrats de travail des étudiants doivent-ils être réformés ?

Les étudiants peuvent travailler au maximum 346 heures par an jusqu’à l’âge de 27 ans. Cependant, certains étudiants souhaiteraient travailler davantage pour gagner leur vie. Les députées du DP Corinne Cahen et Barbara Agostino ont demandé au Ministre du Travail combien d’étudiants ont travaillé en 2024, et si le Ministre serait prêt à autoriser les étudiants à travailler plus d’heures par an et à relever la limite d’âge, actuellement fixée à 27 ans.

lire plus...