De beschte Wee zeréck an d’Normalitéit

D’Welt gesäit endlech Luucht um Enn vum Tunnel, nodeems de Covid-19 d’Liewe vun de Mënsche zanter Méint fest am Grëff huet. D’Wëssenschaftler op der ganzer Welt hunn nämlech Impfstoffer an enger Rekordzäit entwéckelt. Am Dezember huet och Lëtzebuerg ugefaangen, seng Bierger géint de COVID-19 z‘impfen.

D’Vaccine sinn de beschte Wee aus der Kris – De beschte Wee zeréck an d’Normalitéit. Si sinn en zentrale Bestanddeel, fir eise Gesondheetssystem ze schützen a fir erëm an de Genoss vun eise Fräiheeten ze kommen.

D’Regierung huet déi lescht Méint eng gerecht an effikass Impfstrategie ausgeschafft, fir e groussen Deel vun eiser Bevëlkerung esou séier ewéi méiglech z‘impfen. Dobäi gëtt sech op d‘Recommandatioune vun der WHO, der EU-Kommissioun a vun der nationaler Ethikkommissioun baséiert.

D’Impfung ass gratis a fräiwëlleg

D’Regierung konnt 1,3 Milliounen Dose fir Lëtzebuerg virbestellen. Dat geet duer, fir 800.000 Mënschen z‘impfen, ouni anere Länner eppes ewechzehuelen.

An enger éischter Phase wäerten d’Gesondheetsberuffer, d’Personal an de Spideeler an an den Alters- a Fleegestrukture geimpft ginn. Esou ka séchergestallt ginn, datt de Gesondheetssystem an Zukunft net ënnert der Laascht vum Virus zesummebrécht. Ma och déi vulnerabel Leit, déi an den Alters- a Fleegestrukture liewen an am stäerkste vun der Krankheet betraff sinn, gehéieren zu dësem prioritäre Grupp.

Uechter d’Land ginn zentraliséiert Strukturen opgebaut, fir d’Leit z’impfen, well d’Impfstoffer mussen ënnert spezifesche Konditiounen transportéiert a stockéiert ginn. Mobil Ekippen wäerten an d‘Alters- a Fleegeheemer goen, fir deene vulnerabele Leit onnéideg Deplacementer z’erspueren.

Jo, sech impfen ze loossen ass ee perséinleche Choix. Et ass awer och eng Fro vu Verantwortung a Solidaritéit. Eng Impfung ass nämlech net just fir ee selwer, mee ëmmer och fir engem seng Matmënschen. An all Impfung zielt!

Deelen:

Share on facebook
Facebook
Share on twitter
Twitter
Share on linkedin
LinkedIn
Share on email
Email
Share on whatsapp
WhatsApp

Weider News

Lydie Polfer

Ëffentlech Sécherheet an der Stad

„Déi éischt Missioun vum Staat a vun de Gemengen ass et, de Bierger hier Sécherheet ze garantéieren. Do hapert et gewalteg, op der Gare an och zu Bouneweg, an dat ass keen neie Phenomen“, esou de Constat vun der Stater Deputée-Maire Lydie Polfer an der Chamber, am Kader vun enger Aktualitéitsstonn iwwert d’ëffentlech Sécherheet.

weiderliesen...
André Bauler

D’Lëtzebuerger Kreativwirtschaft weider fërderen

2015 hat d‘Lëtzebuerger Kreativwirtschaft e Méiwäert vu ronn 400 Milliounen Euro opweises an huet méi wéi 7.000 Leit beschäftegt. An enger erweiderter Fro wollt den DP-Deputéierten André Bauler vum Mëttelstandsminister wëssen, wéi sech de Secteur zanterhier entwéckelt huet a wat d‘Perspektive fir d’Zukunft sinn.

weiderliesen...