Des questions concernant le nouveau P&R à Stegen

Après l'annonce récente de la construction d'un nouveau P&R à Stegen, le député du DP André Bauler a demandé des précisions sur ce projet.

„Aus der Press si mer gewuer ginn, datt den Transportministère zesumme mat dem Lycée technique agricole (LTA) an der Gemeng Ärenzdall eng Léisung fir ee P+R um “Bloen Eck” bei Steeën ausgeschafft huet. Dat ass eng gutt Saach. D’Ëffentlechkeet ass och driwwer informéiert ginn, datt d’Gemeng Ärenzdall d’Zoustëmmung ginn huet, fir bei hirem Footballterrain en neien Arrêt ze amenagéieren.

Dësen Arrêt wäert vun der Schülerlinn K17 (Mersch – Larochette – Gilsdorf), déi d’Schüler direkt beim Lycée erausléisst, ugefuer ginn. Zousätzlech dozou géif eng Informatiounscampagne vun der Administration des transports publics an der Akerbauschoul lancéiert ginn, déi d’Schüler iwwer dës nei Opportunitéit opklärt esou wéi iwwert aner Parkméiglechkeeten, déi eng direkt Ubannung un de LTA erméiglechen.

An deem Kontext wëll ech dem Här Mobilitéitsminister folgend Froe stellen:

  • Wéi dacks pendelt d’Linn K17 Moies an no Schoulschluss tëscht dem neien Arrêt um Bloen Eck an der Akerbauschoul hin an hir? Wéi vill Parkplaze stinn de Schüler um Bloen Eck zur Verfügung? Huet dëse Bus genuch Kapazitéite fir d’Schüler, déi aus dem Zentrum an Oste vum Land an de LTA kommen, en charge ze huelen?
  • Géif een zousätzleche Pendeldéngscht agesat ginn, wann d’Zuel vun de Schüler, déi um Parking Bloen Eck halen, iwwer d’Kapazitéit vum Bus erausgeet?
  • Wéi gedenkt den Här Minister d’Schüler, déi aus den NordKantonen an de LTA kommen an déi op den Auto ugewise sinn respektiv net kënnen op de P+R Bloen Eck zréckgräifen, well dat en Ëmwee ass, entgéintzekommen? Goufen et do scho Gespréicher mat der Stad Dikrich fir eng Léisung ze fannen?
  • Ass d’Schülervertriedung vum LTA an d’Echangen iwwer d’Transportproblematik mat agebonne ginn?
  • Gëtt et schonn een Avant-projet fir dat neit Parkhaus, dat als Opfangparking fir Dikrech an Ëmgéigend, bei der Schwämm gebaut soll ginn?“

Äntwert vum Minister fir Mobilitéit an ëffentlech Aarbechten op d’parlamentaresch Fro n° 7150 vum 10. November 2022 vum Här Deputéierten André Bauler.

Wéi dacks pendelt d’Linn K17 Moies an no Schoulschluss tëscht dem neien Arrêt um Bloen Eck an der Akerbauschoul hin an hir?

D’Linn fiert nom aktuellen Fuerplang. Dat sinn zwee “Aller” mueres, an 7 “Retour” Mëttes tëschend 12:00 an 17:00. D’Horairen heizou fënnt een iwwert de Site “Mobilitéit.lu”.

Wéi vill Parkplaze stinn de Schüler um Bloen Eck zur Verfügung?

De Schüler stinn 85 Stellplaze um Parking P+R Bloen Eck zur Verfügung.

Huet dëse Bus genuch Kapazitéite fir d’Schüler, déi aus dem Zentrum an Oste vum Land an de LTA kommen, en charge ze huelen?

Jo. D’Buskategorie gëtt jee no Besoin ugepasst.

Géif een zousätzleche Pendeldéngscht agesat ginn, wann d’Zuel vun de Schüler, déi um Parking Bloen Eck halen, iwwer d’Kapazitéit vum Bus erausgeet?

Jo. Eng Zousaazfahrt ka jee no Besoin organiséiert ginn.

Wéi gedenkt den Här Minister d’Schüler, déi aus den Nord-Kantonen an de LTA kommen an déi op den Auto ugewise sinn respektiv net kënnen op de P+R Bloen Eck zréckgräifen, well dat en Ëmwee ass, entgéintzekommen? Goufen et do scho Gespréicher mat der Stad Dikrich fir eng Léisung ze fannen?

Den P+R Bloen Eck befënnt sech 4,5 km vum Site vum LTA ewäsch. D‘Schüler aus den Nord-Kantonen, déi op den Auto ugewise sinn, hu vun der Ackerbauschoul also knapp 3 Minutten weider ze fueren fir op de P+R, wat keen wesentlechen Ëmwee duerstellt. Den P+R Bloen Eck kann esou vun alle Schüler, déi op den Auto ugewise sinn an aus verschiddenste Richtunge kommen, ouni gréisseren Ëmwee ugefuer ginn.

Ass d’Schülervertriedung vum LTA an d’Echangen iwwer d’Transportproblematik mat agebonne ginn?

D’Diskussiounen iwwer d’Transportproblematik sinn haaptsächlech mat der Direktioun vun der Akerbauschoul oofgehalen ginn.

Gëtt et schonn een Avant-projet fir dat neit Parkhaus, dat als Opfangparking fir Dikrech an Ëmgéigend, bei der Schwämm gebaut soll ginn?

Den Ament gëtt et nach keen Avant-projet fir dat neit Parkhaus.

Souhaitez-vous une traduction en français de cette question parlementaire ?

Partager :

Facebook
Twitter
LinkedIn
Email
WhatsApp

Plus de questions parlementaires

Pas d’accès aux résultats biologiques dans le cadre de l’étude LëtzHBM ?

Dans le cadre de l’étude « LëtzHBM » du LNS, des échantillons biologiques et environnementaux sont collectés afin de déterminer la présence de substances chimiques dans les ménages privés. Contrairement aux échantillons environnementaux, les résultats des échantillons biologiques ne sont pas systématiquement communiqués aux participants.
Le député du DP Gérard Schockmel a demandé à la Ministre de la Santé pourquoi ces résultats ne sont pas communiqués et si cela est compatible avec la législation sur la protection des données.

lire plus...

Quels sont les délais d’attente à la « Travel Clinic » ?

En cas de voyage dans des régions plus tropicales, il est possible de se faire conseiller et vacciner contre différentes maladies à la « Travel Clinic » du CHL. Cependant, les temps d’attente dans cette clinique seraient actuellement assez longs.
Les députés du DP Dr Gérard Schockmel et Gilles Baum ont demandé à la Ministre de la Santé combien de patients ont été reçus à la « Travel Clinic » au cours des dix dernières années, comment les délais d’attente ont évolué au cours de cette période et s’il ne serait pas judicieux de permettre la prise de rendez-vous en ligne, comme pour de nombreux autres services du CHL.

lire plus...

Comment revaloriser la profession d’aide-soignant ?

La pénurie de personnel soignant est l’un des principaux défis du gouvernement actuel. Dans ce contexte, les députés du DP André Bauler et Gilles Baum ont notamment demandé à la Ministre de la Santé combien d’aides-soignants travaillent actuellement dans le pays, combien ont changé de profession au cours des dernières années et quelles mesures le gouvernement entend prendre pour rendre la profession à nouveau attractive.

lire plus...