Eng Léisung fir de Policemusée?

Déi historesch Sammlung vun der Police ass deemools an der fréierer Garage vun der Gendarmerie ënnerkomm, e schützenswäert Gebai um Verluerekascht, wou 2022 d'Bauaarbechte fir d'Regierungsgarage sollen ufänken. Deemno misst nach dëst Joer eng definitiv oder ëmmerhin eng Iwwergangsléisung fonnt gi, fir d'Sammlung ënnerzebréngen. An deem Kader huet eisen Deputéierten André Bauler eng ganz Rei Froen un d'Kulturministesch an de Policeminister gestalt.

Zanter 2006 verfüügt déi groussherzoglech Police iwwer eng historesch Sammlung. Déi Sammlung ass am Gebai vun der fréierer Garage vun der Gendarmerie ënner Daach komm, e schützenswäert Gebai aus dem Ufank vun de 1950er Joren. D’Deeg fir dës Expo vun dëser Sammlung am Gebai um Verluerekascht sinn awer mëttlerweil gezielt, well op dës Plaz bekanntlech de Regirungsgarage komme soll.

Dëst bedeit also, dass nach 2021 eng Léisung um Dësch muss leien, well bis de Summer 2022 d’Sammlung fachgerecht agepaakt muss ginn – zu deem Moment fänken nämlech d’Bauaarbechten um Site un.

Als Tëscheléisung fir déi nächst 5-6 Joer bis zum Fanne vun enger definitiver Léisung huet d’asbl “Policemusée” menges Wëssens de „Musée international d’Effets de Gendarmerie et de Police“ zu Capellen an d’Spill bruecht.

De Faktor Zäit spillt evidenterweis eng ganz wichteg Roll. Och wann ee Site fonnt gëtt, brauch ee mindestens 6-7 Joer fir ze plangen an ze bauen.

An deem Kontext wollt ech der Madamm Kulturminister an dem Här Policeminister folgend Froe stellen:  

  1. Weess den Här Minister, dass den aktuelle Site eng aner Destinatioun kritt, respektiv ass den Zäitpunkt scho bekannt?
  2. Gouf schonn eng Alternativ fonnt, fir d´Sammlung vum Policemusée op eng aner a sécher Plaz ze bréngen?
  3. Ass d‘Regierung gewëllt de Policemusée ze ënnerstëtzen an domat och de Patrimoine ze erhalen?
  4. Ass gewosst, dass déi Responsabel vum Policemusée eng Alternativ oder Tëscheléisung proposéiert hunn?
  5. Ass d‘Regierung gewëllt fir dës provisoresch Léisung bis zu enger definitiver Solutioun finanziell ze ënnerstëtzen?
  6. Gouf et scho Gespréicher tëschent alle betraffene Partner? Wa nee, ass deemnächst eng Entrevue zu deem Thema geplangt?
  7. Wéi gesäit d’Zesummenaarbecht tëscht der Policeschoul an dem Policemusée de Moment aus?“

Äntwert

De Minister fir bannenzeg Sécherheet ass sech der Problematik vum aktuelle Site vum Policemusée bewosst. Et gëtt no alternative Gebailechkeeten, déi der Police gehéiere gesicht fir eng laangfristeg Léisung ze fannen. Momentan gëtt et allerdéngs keng Alternativ, esou d’Ministeren an hirer Äntwert. De Kulturministère wäert de Musée finanziell mat sengem Programm « NEISTART Luxembourg – Culture » ënnerstëtzen. Dëst mat 37.124,10 EUR. Den 8. September 2020 huet eng Visitt mat de Vertrieder vum Kulturministère, vum Ministère fir bannenzeg Sécherheet, dem Policemusée an de Proprietäre vu Privatsammlunge stattfonnt. Di zwee Ministèren hunn decidéiert dass si keng Sammlungen oder kulturell Gidder wäerte kafen. Ma déi zwee Ministère sinn sech eens ginn dass si de Musée wäerten ënnerstëtzen andeems si eng Campagne de mécénat participatif an en Appel aux dons an der Police lancéieren. Déi finanziell Ënnerstëtzung fir de Kaf vun der Sammlung géif nëmmen a Fro kommen, wann e Gesamtkonzept fir d’Gestioun vum Musée, en Inventar vum Policemusée a vun de kaafte Privatsammlungen ausgeschafft géifen, esou d’Aussoe vun de Ministeren Tanson a Kox. Eng Zesummenaarbecht tëscht der Policeschoul an der Musée asbl fënnt de Moment nach net statt.

Dir wëllt dës parlamentaresch Fro op Lëtzebuergesch iwwersat kréien?

Deelen:

Facebook
Twitter
LinkedIn
Email
WhatsApp

Weider parlamentaresch Froen

Hëllefen diagnostesch Schnelltester géint de Mangel un Antibiotiquen?

Frankräich iwwerleet d’Verschreiwe vun Antibiotiquen nëmmen z’erlaben, wa virdrun een diagnostesche Schnelltest gemaach gëtt. Dëst fir mat Sécherheet festzestellen, op et sech ëm eng bakteriell oder viral Infektioun handelt.
Dëst kéint engersäits dem Mangel un Antibiotiquen entgéint wierken, an anerersäits d’Antibiotikaresistenz verréngeren.
D’DP-Deputéiert Gilles Baum a Gusty Graas hu bei der Gesondheetsministesch nogefrot, wéi vill Antibiotiquen an de leschte fënnef Joer zu Lëtzebuerg verschriwwe goufen an ob Doktere méi sensibiliséiert sollte ginn diagnostesch Tester ze verschreiwen.

weiderliesen...

Wéi vill Patienten krute kee Rendezvous méi an engem Stater Spidol?

Rezent huet ee Spidol an der Stad Bréiwer u Patiente verschéckt hir hinne matzedeelen, datt verschidde medezinesch Zerwisser keng nei Rendezvousen méi unhuele kënnen – ausser et handelt sech ëm eng Urgence oder een héich komplexe Fall.
Den DP-Deputéierten Gusty Graas huet bei der Gesondheetsministesch nogefrot, wéi et zu dësen Incapacitéiten konnt kommen, ob nach aner Spideeler betraff sinn a wat géint dës Situatioun ënnerholl gëtt.

weiderliesen...

Kënnt et zur Kommerzialiséierung vun therapeutesche Wunnstrukturen?

Therapeutesch Wunnstrukturen ginn aktuell vun der konventionéierter Psychiatrie am Extrahospitalier fir Persounen ugebueden, déi ënnert psychesche Problemer leiden.
Elo zirkuléieren Gerüchter, datt de Gesondheetsministère plangt enger kommerzieller Societéit een Agrément ze ginn fir esou therapeutesch Wunnstrukturen ze geréieren.
D’DP-Deputéiert Gusty Graas a Gilles Baum hu bei der Gesondheetsministesch nogefrot, ob dës Gerüchter der Wourecht entspriechen a, wa jo, firwat dëse Wee ageschloe gëtt, amplaz bestoend Acteuren aus der konventionéierter Psychiatrie am Extrahospitalier z’ënnerstëtzen.

weiderliesen...

Kënnt et och zu Lëtzebuerg zum Mëssbrauch vu “Protonenpumpenhemmer”?

De laangjärege Konsum vu sougenannte “Protonenpumpenhemmer” (IPP), déi géint Moproblemer agesat ginn, erhéijen enger rezenter wëssenschaftlecher Etüd no de Risiko un Demenz z’erkranken. Den DP-Deputéierten Gusty Graas huet bei den zoustännege Ministeren nogefrot, ob hinnen dës Etüd bekannt ass, wéi eng Conclusiounen si aus hir zéien, an ob Zuelen iwwert den Asaz vun IPP zu Lëtzebuerg bekannt sinn.

weiderliesen...