Pierre Gramegna

Green Finance

Eng Politik vun den nohaltege Finanzen ass wichteg an der Lutte géint de Klimawandel. Eis Strategie ass dofir kloer: Lëtzebuerg riicht seng Finanzplaz dorop aus, datt se de Verflichtungen aus de Paräisser Accorden erfëllt. Gläichzäiteg ginn d’Opportunitéite fir d’Diversifikatioun vun eiser Finanzplaz an dësem Zesummenhang genotzt.

D’Beméiunge vum Finanzminister Pierre Gramegna an dësem Beräich hunn et Lëtzebuerg an deene leschte Joren erméiglecht fir sech als europäesche Virreider bei den nohaltege Finanzen ze positionéieren.

Net méi spéit ewéi mam Budget 2021 (notamment mat der Taxe d’abonnement fir nohalteg Fongen) huet de Finanzminister weidert kloert Zeeche gesat. Mir sinn dat éischt Land an Europa mat engem sougenannte Sustainability Bond Framework. Domadder stelle kloer wat mi ënner nohaltege Finanzenverstinn a gräifen nei EU-Virschrëfte vir. Méi genee setze mir mir hei fréizäiteg déi europäesch Taxonomie ëm, déi kloer Krittäre virgesäit fir all Greenwashing z’evitéieren – d.h. fir sech fälschlecherweis e grénge Mäntelechen ëmzehänken.

Dëst antizipativt Virgoen hëlleft och der Lëtzebuerger Bourse fir hir Positioun als Bourse de prédilection fir nohalteg Finanzen ze festegen.

Doriwwer eraus sinn déi lescht Joren eng sëllegen aner Initiative geholl ginn – notamment d‘Luxembourg Sustainable Finance Roadmap aus dem Joer 2018, déi eis eng kloer Strategie ginn huet. Esou konnt d‘Finanzplaz seng Leaderroll an den nohaltege Finanze stäerken.

Lëtzebuerg huet 2016 bei enger anerer Initiativ – zesumme mat der Europäescher Investitiounsbank – Pionéieraarbecht geleescht, andeems si eng Plattform geschaf hunn, déi de Finanzement vu sougenannte Projets climatiques à fort impact fërdert.

Am Labelling huet d‘Regierung mat hirem Support vu LuxFLAG – enger Agence, déi en europäesche Pionéier am Beräich vum Labelling vun den nohaltege Finanzen ass – bewisen, wéi wichteg hir d‘Transparenz vun den nohaltege Finanzen ass.

D’DP steet zu 100% hannert enger nohalteger Politik, grad eben am Domaine vun de Finanzen – a genee an dësem Sënn wäert de Finanzminister seng Aarbecht weiderféieren.

Deelen:

Facebook
Twitter
LinkedIn
Email
WhatsApp

Weider News

André Bauler

Talent attraction zu Lëtzebuerg

A senger Tribune Libre um Radio huet eisen Deputéierten André Bauler dës Woch doriwwer geschwat, wéi wichteg et fir Lëtzebuerg ass, fir weider attraktiv fir héichqualifizéiert an innovativ Talenter och aus dem Ausland ze bleiwen; besonnesch am Finanzsekteur.

weiderliesen...
Gusty Graas

E raisonnabelen Accord salarial an der Fonction publique

A senger Tribune Libre um Radio huet de Gusty Graas dës Woch iwwert de leschten Accord salarial an der Fonction publique geschwat. Fir eisen Deputéierten ass dat e raisonnabelen Accord, dee weist, datt de Ressortminister Marc Hansen an d’CGFP e konstruktiven Dialog gefouert hunn, deen och an Zukunft fir soziale Fridden am ëffentlechen Déngscht suergt.

weiderliesen...
Guy Arendt

Eng Digitalisatioun fir all Mënsch

A der Tribune Libre vun der DP huet eisen Deputéierte Guy Arendt dës Woch iwwer d’Wichtegkeet vun der digitaler Inclusioun zu Lëtzebuerg geschwat. Dat heescht iwwer d’Efforten, déi hei am Land geholl ginn, fir datt all Mënsch ka mat an dat neit, digitaalt Zäitalter geholl ginn.

weiderliesen...