André Bauler

KEP 1.0 – Kultur als Dialog an Invest

3 Froen un den André Bauler

Enn Abrëll war an der Chamber eng grouss Orientatiounsdebatt iwwert de Kulturentwécklungsplang 1.0. E Plang, deen d’Aarbechten an der parlamentarescher Kulturkommissioun schonn zanter e puer Joer beschäftegt, an deen haut – matzen an der Covid-19 Pandemie – eng ganz aner Bedeitung huet ewéi nach 2018.  

André, du als DP-Spriecher am Beräich vun der Kultur hues laang op dës Debatt higeschafft. Kanns du eis kuerz erklären, ëm wat et beim sougenannte K.E.P.1.0 geet?

De KEP ass e Plang mat Recommandatiounen, fir d’Kulturzeen zu Lëtzebuerg weider z’entwéckelen a virunzebréngen. Et ass wichteg ze betounen, datt et kee politescht Dokument ass. Kultur ass eppes Lieweges an d’Politik soll dat kulturellt Liewe fërderen, ënnerstëtzen a begleeden, ouni sech an d’Kreativitéit vun de kulturschaffende Leit anzemëschen. Et geet also just dorëm, datt d’Kultur e gudde politesche Kader kritt, fir sech kënnen z’entwéckelen. Dat heescht, datt een de Kulturschafenden d’Mëttel gëtt, fir méi bekannt a visibel ze ginn, a fir kënnen op finanziellem Plang ze bestoen. An engems sollen déi jonk Leit fir d’Kultur sensibiliséiert ginn.

Elo ass de Kultursecteur wärend der Pandemie besonnesch haart getraff ginn.  Huet d’Kommissioun sech och mat deem Problem befaasst?

Grad am Kader vun der Pandemie muss ee sech sécher weider mam Statut de l’artiste a mat der Professionaliséierung vun der Kulturzeen beschäftegen. D’Reform vum Artistestatut kënnt elo esouguer méi séier virun, wéi ursprénglech geplangt. D’Covid-19-Pandemie huet eis de verletzleche Mënsch hannert dem Kënschtler virun Ae gefouert. Ob dat elo de Beruffskënschtler oder den Intermittent du spectacle ass, ännert näischt un der Saach: D’Politik muss de Kulturschafende finanziell hëllefen, fir datt si kënne vun hirer Konscht liewen. 

Mir schwätzen hei also vun engem Investissement am nobele Sënn vum Wuert? 

Wien an d’Kultur investéiert, investéiert an de Mënsch an an de gesellschaftlechen Zesummenhalt. Et investéiert een an déi kulturell Bildung an an d’Stäerkung vum Standuert Lëtzebuerg a senger ganzer kultureller Diversitéit. Kultur ass keen nice to have, ma eng Noutwenegkeet, fir datt sech eng Gesellschaft an der Oppenheet an an enger kreativer, innovativer Dynamik weiderentwéckele kann, ouni eisen eenzegaarte kulturelle Patrimoine ze vergiessen.

Deelen:

Share on facebook
Facebook
Share on twitter
Twitter
Share on linkedin
LinkedIn
Share on email
Email
Share on whatsapp
WhatsApp

Weider News

Startschoss fir de Klimabiergerrrot : Zesumme fir e bessere Klimaschutz

Fir d’Leit méi staark an d’Diskussioune ronderëm d’Klimapolitik anzebannen, hat de Premier Xavier Bettel am Oktober d’Schafe vun engem Klimabiergerrot annoncéiert – viru kuerzem huet hien déi genee Detailer dozou presentéiert. A senger Tribune libre geet de Generalsekretär vun der DP, de Claude Lamberty op dësen zu Lëtzebuerg eenzegaartege Projet an, an ënnersträicht d’Wichtegkeet vun enger ambitiéiser Klimapolitik, déi och vun de Bierger gedroe gëtt.

weiderliesen...
Pierre Gramegna

Communiqué de presse

Le Parti démocratique informe que Pierre Gramegna, ministre des Finances et du Budget, a annoncé sa volonté de démissionner de ses fonctions ministérielles pour des raisons personnelles.

weiderliesen...