Christine Fixmer

Mataarbechter am Portrait

Wat fir Dossiere betreis du op denger Aarbecht? 

Meng gréissten Dossiere sinn d’Justiz an d’Institutioune mat der Verfassungsrevisioun. Donieft bekëmmeren ech mech ëm d’Fonction Publique an d’Medien & Kommunikatioun, wou mer virum Summer dat neit Pressehëllefgesetz finaliséiert hunn. Och d’Aussepolitik an Europa falen a mäi Beräich.

Firwat hues du dech bei der DP-Fraktioun gemellt?

Ech war scho virdru bei der JDL aktiv. Dofir sinn ech elo frou, fir mech an eiser dynamescher Ekipp z‘engagéieren an eppes an der Politik mat ze beweegen. 

Wanns du eng politesch Iddi direkt kéints ëmsetzen, wat fir eng wier dat?

De Remboursement vu psychologeschen a psychotherapeuteschen Therapien. Déi mental Gesondheet ass kee Luxus – si betrëfft jiddereen, mee net all Mënsch huet d’Chance fir sech ouni Weideres kënnen Hëllef ze leeschten.

Wat war bis elo däin houfregste Moment an der Fraktioun?

Ech sinn immens houfreg, fir mam Simone Beissel zesummen um Dossier vun eiser Verfassung ze schaffen. Eis Konstitutioun huet eng laang Geschicht a si ass e wichtege Pilier fir d’Zesummeliewen an eiser Gesellschaft an an eiser Demokratie.

Wéi géifs du dech selwer an dräi Wierder beschreiwen?

Interesséiert, oppen, zeréckhalend– an e grousse Pasta-Fan!

Deelen:

Facebook
Twitter
LinkedIn
Email
WhatsApp

Weider News

André Bauler

Talent attraction zu Lëtzebuerg

A senger Tribune Libre um Radio huet eisen Deputéierten André Bauler dës Woch doriwwer geschwat, wéi wichteg et fir Lëtzebuerg ass, fir weider attraktiv fir héichqualifizéiert an innovativ Talenter och aus dem Ausland ze bleiwen; besonnesch am Finanzsekteur.

weiderliesen...
Gusty Graas

E raisonnabelen Accord salarial an der Fonction publique

A senger Tribune Libre um Radio huet de Gusty Graas dës Woch iwwert de leschten Accord salarial an der Fonction publique geschwat. Fir eisen Deputéierten ass dat e raisonnabelen Accord, dee weist, datt de Ressortminister Marc Hansen an d’CGFP e konstruktiven Dialog gefouert hunn, deen och an Zukunft fir soziale Fridden am ëffentlechen Déngscht suergt.

weiderliesen...