Reewaasseranlagen an ëffentleche Gebaier fir Drénkwaasser ze spueren?

D'Installatioun vun enger Reewaasseranlag, fir Reewaasser fir verschidden Zwecker ze notzen, ass eng Méiglechkeet fir Drénkwaasser ze spueren, grad wann Dréchent an Hëtzt dem Grondwaasser zousetzen. D'DP-Deputéiert Max Hahn an André Bauler hu beim zoustännege Minister nogefrot, wéi et an där Hisiicht bei den ëffentleche Gebaier ausgesäit.

« D’Installatioun vu Reewaasseranlagen, déi d’Reewaasser an engem Waassertank späicheren an et duerno fir verschidde Besoinen notzen, wéi z.B. op den Toiletten, ass en einfachen, awer wichtege Wee fir Drénkwaasser ze spueren, dëst ëmsou méi an Zäite wou de Grondwaasserspiggel duerch onreegelméisseg Nidderschléi erofgeet.

An deem Kader wollte mir dem Här Minister fir Mobilitéit an ëffentlech Aarbechte folgend Froe stellen :

– Ass virgesinn, fir sou Reewaasseranlagen an ëffentleche Gebaier z’installéieren ?

– Wa jo, kann den Här Minister eis soen, wéi eng Gebaier betraff sinn a wat den Zäitplang ass ?

– A wéi enge Gebaier gëtt et scho sou Anlagen ? »

Dir wëllt dës parlamentaresch Fro op Lëtzebuergesch iwwersat kréien?

Deelen:

Share on facebook
Facebook
Share on twitter
Twitter
Share on linkedin
LinkedIn
Share on email
Email
Share on whatsapp
WhatsApp

Weider parlamentaresch Froen

Huesepescht och zu Lëtzebuerg?

An Däitschland verbreet sech d’Huesepescht, déi sougenannten Tularämie, den Ament ëmmer weider. Dës Infektiounskrankheet ass och op de Mënsch iwwerdrobar. Ginn et hei zu Lëtzebuerg den Ament scho Fäll vu kranken Déieren? Wou leien d’Risiken a fir wien? Sinn d’Jeeër a Baueren iwwert d‘Situatioun informéiert? Wat fir Preventiounsmoossnamen existéiere fir enger Verbreedung am Grand-Duché virzegräifen? D’Deputéiert Claude Lamberty a Max Hahn hu beim zoustännege Ministère nogefrot.

weiderliesen...

Eng Léisung fir de Policemusée?

Déi historesch Sammlung vun der Police ass deemools an der fréierer Garage vun der Gendarmerie ënnerkomm, e schützenswäert Gebai um Verluerekascht, wou 2022 d’Bauaarbechte fir d’Regierungsgarage sollen ufänken. Deemno misst nach dëst Joer eng definitiv oder ëmmerhin eng Iwwergangsléisung fonnt gi, fir d’Sammlung ënnerzebréngen. An deem Kader huet eisen Deputéierten André Bauler eng ganz Rei Froen un d’Kulturministesch an de Policeminister gestalt.

weiderliesen...

Verlängerung vum Chômage partiel am Bausecteur

Opgrond vum Mangel u Rostoffer an anere Materialien, huet d’Regierung decidéiert fir de Chômage partiel am Bausecteur bis Juni ze verlängeren. An dësem Kontext hunn d’DP-Deputéiert André Bauler a Carole Hartmann bei den zoustännege Ministeren ënnert Anerem nogefrot wéi vill Entreprisen hei betraff sinn a wéi eng Konditiounen erfëllt musse sinn fir de Chômage partiel kënnen unzefroen.

weiderliesen...

Wat geschitt wann den Droit de garde net respektéiert oder d’Kand vum Partner entfouert gëtt?

Am Fall vun enger Scheedung soll e gedeelten Droit de Garde oft e Kompromëss an et soll kloer gereegelt sinn, wien d’Kanner wéini a fir wéi laang bei sech hunn. Net ëmmer gëtt sech allerdéngs un dat wat ausgemaach ass gehalen. Ëmmer méi oft héiert een och vu Fäll wou en Elterendeel d’Kanner méi laang bei sech behält oder och se net méi bei den Ex-Partner zeréckgoe léisst. Mat Zäite ginn d’Kanner esouguer mat an d’Ausland geholl, an dem Partner oder der Partnerin esou komplett entzunn. Oft kann och d’Police an dëse Situatiounen net vill maachen. D’Deputéiert Carole Hartmann a Pim Knaff hu beim zoustännege Ministère nogefrot wéi vill dëser Fäll et hei zu Lëtzebuerg ginn, a wéi se gehandhaabt ginn.

weiderliesen...