Et ass wierklech eng exzellent Nouvelle, datt de Bus K45 och dat nächst Schouljoer weider tëscht Buerschent iwwer Bierden op Dikrich fuere gelooss gëtt.
Mir ass awer an Tëschenzäit an deem Kontext vu betraffene Leit gemellt ginn, datt d’Schülerinnen a Schüler aus dem Dikricher Kolléisch (LCD) um Réckwee eng zimmlech laang Waardezäit zu Ettelbréck hunn. D’Coursen zu Dikrech halen nämlech um 14.35 Auer op. Déi Jonk mussen awer no hirem Départ zu Dikrich ronn 25 Minutten op de Linnebus 134 waarden, dee géint 15.00 Auer zu Ettelbréck ukënnt an um 15.26 Auer do op der Gare fortfiert. Zu Bierden ass de Bus dann theoretesch um 15.35 Auer – wat awer wéinst dem Stau zäitlech seele rausgeet. Dacks ass en nämlech ëm dës Zäit eréischt um Arrêt “Ancienne Clinique“ ukomm, sou datt d’Kanner net viru 16.00 Auer zu Bierden sinn.
Aus deem Grond wollt ech dem Här Minister fir Mobilitéit an ëffentlech Aarbechte folgend Fro stellen:
- Gëtt d’Schülerbuslinn Dikrich-Ettelbréck-Bierden-Buerschent och an deem Sënn iwwerschafft, datt déi betraffe Schülerinnen a Schüler däitlech manner laang waarde mussen?
Kënnen d’Schülerinnen a Schüler aus dem Nordstad-Lycée och vun dëser Linn profitéieren?
