Max Hahn

Aktualitéitsstonn Klimaschutz: Nei Technologië fir den CO2 aus der Loft ze bannen

Wat ass d’Roll vun Technologien déi Kuelendioxid aus der Loft filteren a bannen am Klimaschutz ? Mat där Fro huet sech d’Chamber an enger Aktualitéitsstonn befaasst. Verschidde Leit fuerderen, dass méi op « Carbon Capture, Usage and Storage » Technologie soll gesat ginn, fir den CO2 aus der Atmosphär rauszehuelen an de Klimawandel ze bremsen. Mee ganz sou einfach ass dat, sou den DP-Deputéierte Max Hahn a senger Interventioun.

D’Demokratesch Partei wier jo grondsätzlech oppe fir nei Technologien, a grad am Beräich vun den nohaltegen Technologië wier nach immens vill Potenzial. Mee wat de konkreten Asaz vun Negativ-Emissiouns-Technologië betrëfft, do géifen et nach eng Rei Problemer ginn.

Virop muss ee festhalen, dass dës Technologien haut nach net prett sinn, fir signifikant Quantitéiten CO2 z’absorbéieren. Dës misste sech nach staark weiderentwéckelen, fir éischtens effikass genuch an zweetens och bëlleg genuch ze sinn, fir se am grousse Stil anzesetzen.

Fir dowéinst ze vill grouss Hoffnungen an dës Technologien ze stiechen, géif vun der eigentlecher Aufgab oflenken : eis Emissiounen ze reduzéieren. D’Technologië fir dat ze maachen, wieren haut scho prett fir se anzesetzen. Dowéinst sollt ee sech dorop konzentréieren amplaz falsch Hoffnungen op e Wonnermëttel ze maachen, dat déi grouss Efforten, déi néideg sinn, géif iwwerflësseg maachen.

D’DP wier duerchaus net d’office géint Negativ-Emissiouns-Technologien, mee dës kéinten awer ëmmer nëmme komplementar zu den anere Mesuren agesat ginn, an och eréischt an e puer Joer, wa se nach bedeitend weiderentwéckelt goufen.

Deelen:

Share on facebook
Facebook
Share on twitter
Twitter
Share on linkedin
LinkedIn
Share on email
Email
Share on whatsapp
WhatsApp

Weider News

Atert-Wark – déi nei DP-Sektioun am Norden

D’Gemeng Mäerzeg mam Buergermeeschter Mike Poiré huet sech dëtt Joer der Sektioun Réiden ugeschloss an dorausser ass d‘Fusiounssektioun Atert-Wark ginn. Bis 2020 war d’Gemeng Mäerzeg nach an der Sektioun Nordstad.
Déi al Sektioun Réiden iwwerdeems huet zanter jeehier mat der Sektioun Rammerech zesumme geschafft; dofir stelle mer iech hei an engems d‘Rammerecher Sektioun an hire neie President vir.

weiderliesen...

Am Spotlight – Claire Sertznig

Dës Kéier am Spotlight: d’Claire Sertznig, déi nei DP-Conseillère am Maacher Gemengerot.
D’Duechter vun hirem Virgänger René Sertznig huet vun doheem aus fréi Kontakt mat der Politik gehat. Dofir ass et kee Wonner, datt d’Claire sech fir d’éischt an der JDL an dono an der Gemengepolitik engagéiert huet.

weiderliesen...