Coronasteier – eng Geeschterdiskussioun

Eng Zäit laang wosst kee Mënsch esou richteg ewéi mir wirtschaftlech duerch d’Pandemie komme géifen. Haut wësse mir, datt Lëtzebuerg – am Verglach mam Ausland – relativ gutt duerch d’Kris kënnt. Och wann d’Pandemie wirtschaftlech Spueren hannerléisst, wäert d‘Staatsschold viraussiichtlech ënner 30% vum PIB bleiwen. Dat ass eng gutt Noriicht, well domadder wäert eist Land weider zu de Musterschüler an der EU a Saache Staatsscholden a Scholdenzouwuess an der Kris gehéieren.

Reflexaarteg siche Verschiddener an enger Kris awer no Sënnebéck a Krisegewënner. Also no deenen, déi wirtschaftlech vun enger Kris profitéiert hätten. Besonnesch äifreg Stëmmen aus der Politik wëllen dës Leit esouguer mat enger Coronasteier extra besteieren.

Ofgesinn dovunner, datt Steiererhéijungen de Moment héich kontraproduktiv wieren, well se de Konsum an den Aarbechtsmaart belaaschten, bleift d’Fro, wien dës Krisegewënner da solle sinn. Doriwwer eraus gesäit eise Steiersystem souwisou scho vir, datt onerwaart oder aussergewéinlech Gewënner besteiert ginn. Wat soll dann nach eng zousätzlech Coronasteier?

Esou eng sënnlos Coronasteier géif nämlech besonnesch déi bestrofen, déi séier a flexibel op d’Kris reagéiert hunn. Zum Beispill Betriber, déi hire Geschäftsmodell op Produiten an Déngschtleeschtungen adaptéiert hunn, déi mir dréngend an der Kris gebraucht hunn. 

Dozou ziele Schutzmasken, Desinfektiounsmëttel an och Logistikzerwisser, déi wichteg Gidder aus dem Ausland op Lëtzebuerg bruecht hunn.

Wier et fair, genee déi Leit méi ze belaaschten, déi probéiert hunn, fir Léisungen am Interessi vun eiser Gesellschaft ze fannen an dofir e Geschäftsrisiko a Kaf geholl hunn?

Lëtzebuerg brauch kreativ an innovativ Firmen. D’Innovatioun ass de Motor vun eiser Wirtschaft an dat an alle Beräicher.

Eng Coronasteier wier dofir weder steierlech praktikabel nach wirtschaftlech sënnvoll.

Dofir sollen se bleiwen, wat se sinn: Geeschterdiskussiounen!

Deelen:

Share on facebook
Facebook
Share on twitter
Twitter
Share on linkedin
LinkedIn
Share on email
Email
Share on whatsapp
WhatsApp

Weider News

Startschoss fir de Klimabiergerrrot : Zesumme fir e bessere Klimaschutz

Fir d’Leit méi staark an d’Diskussioune ronderëm d’Klimapolitik anzebannen, hat de Premier Xavier Bettel am Oktober d’Schafe vun engem Klimabiergerrot annoncéiert – viru kuerzem huet hien déi genee Detailer dozou presentéiert. A senger Tribune libre geet de Generalsekretär vun der DP, de Claude Lamberty op dësen zu Lëtzebuerg eenzegaartege Projet an, an ënnersträicht d’Wichtegkeet vun enger ambitiéiser Klimapolitik, déi och vun de Bierger gedroe gëtt.

weiderliesen...
Pierre Gramegna

Communiqué de presse

Le Parti démocratique informe que Pierre Gramegna, ministre des Finances et du Budget, a annoncé sa volonté de démissionner de ses fonctions ministérielles pour des raisons personnelles.

weiderliesen...