DP-Lëntgen

D’DP huet elo och eng Sektioun an der Gemeng Lëntgen

Zanter Oktober 2020 huet och déi leschte Gemeng aus dem Uelzechtdall eng DP-Sektioun. 2023 wäert zu Lëntge bei de Gemengewale fir d’éischte Kéier nom Proporzsystem gewielt ginn. Fir d’DP ass et dofir wichteg, sech elo scho gutt opzestellen.

Bal 20% vun de Wieler hunn hei bei de leschte Chamberwalen der DP hir Stëmm ginn. Si kënnen elo bei den nächste Gemengewalen d’DP-Kandidate wielen, déi déi liberal Wäerter och um lokalen Niveau héichhalen.

Lëntge wäert och an den nächste Jore wuessen. Fir d’DP-Sektioun ass et dofir wichteg, datt d’Infrastrukture fréizäiteg un dee Wuesstem ugepasst ginn, fir datt een herno net am Verkéier erstéckt. Déi nei Sektioun setzt sech och dofir an, datt Lëntgen eng ëffentlech Toilette an en Trim-Parcours kritt.

En anert Uleies vum neie Comité ass méi en attraktiven Duerfkär mat enger Plaz fir Jonk an Al: E Kiosk, Beem, Planzen a Bänke sollen déi trist Wiss matten am Duerf verschéineren. Fir d’DP-Lëntgen géif esou en Zentrum, wou ee Fester kéint feieren, erëm Liewen an d’Duerf bréngen.

Christiane Rischard-Haag: éischt Presidentin vun der DP-Lëntgen

Christiane Rischard-Haag

D’Christiane huet iwwer 30 Joer laang am Service Finance vun der Post geschafft an huet niewebäi eng Immobilière geréiert. Zanter dësem Joer ass hatt pensionéiert an huet mat der Grënnung vun der DP- Lëntgen d’lescht Joer eng nei Erausfuerderung am Liewen ugeholl.

D’Christiane ass bestuet an huet 2 erwuesse Kanner. Seng 2 Muppen, de Snoopy an den Nougat, a seng Kaz Tiger halen hatt donieft op Trapp. D’Christiane war fréier ganz aktiv am Päerds- an am Hondssport. Déi leidenschaftlech Hobbykächin verbréngt awer och vill Zäit hannert dem Smoker.

Déi nei Sektiounspresidentin huet eng kloer Motivatioun, firwat si sech fir d’Allgemengheet zu Lëntgen asetzt: „Wann een d’Leit gären huet, mécht et Spaass, sech politesch z’engagéieren“.

Deelen:

Share on facebook
Facebook
Share on twitter
Twitter
Share on linkedin
LinkedIn
Share on email
Email
Share on whatsapp
WhatsApp

Weider News

Startschoss fir de Klimabiergerrrot : Zesumme fir e bessere Klimaschutz

Fir d’Leit méi staark an d’Diskussioune ronderëm d’Klimapolitik anzebannen, hat de Premier Xavier Bettel am Oktober d’Schafe vun engem Klimabiergerrot annoncéiert – viru kuerzem huet hien déi genee Detailer dozou presentéiert. A senger Tribune libre geet de Generalsekretär vun der DP, de Claude Lamberty op dësen zu Lëtzebuerg eenzegaartege Projet an, an ënnersträicht d’Wichtegkeet vun enger ambitiéiser Klimapolitik, déi och vun de Bierger gedroe gëtt.

weiderliesen...
Pierre Gramegna

Communiqué de presse

Le Parti démocratique informe que Pierre Gramegna, ministre des Finances et du Budget, a annoncé sa volonté de démissionner de ses fonctions ministérielles pour des raisons personnelles.

weiderliesen...