Lex Delles

Dem Mëttelstand duerch d’Kris hëllefen

Zanter engem Joer hunn eis Betriber et net einfach. Fir d’Bekämpfe vum Coronavirus huet d’Regierung Moossnamen decidéiert, déi et ville Betriber schwéier mécht normal ze fonctionéieren. De Mëttelstandsminister Lex Delles huet dofir eng sëlleg Hëllefen an d’Liewe geruff, déi de Betriber, awer och den Independanten, hëllefe fir esou gutt wéi méiglech duerch dës Krise ze kommen an erëm voll duerchstarten ze kënne wann d’Krise bis eng Kéier eriwwer ass. Dës Hëllefe goufe reegelméisseg adaptéiert a verlängert fir sech un d’Entwécklung vun der Pandemie an de Besoine vun deene verschiddene Secteuren unzepassen.

Esou goufen zanter Mäerz folgend Hëllefen an d’Liewe geruff fir de Betriber ënnert d’Äerm ze gräifen : An enger éischter Phase ass ee Stabilisatiounspak vun 10,4 Milliarden Euro beschloss ginn. An enger zweeter Phase koum de “Neistart Lëtzebuerg” dobäi, mat engem Finanzpak vun 800 Milliounen Euro. Dat mat Ofstand wichtegst Instrument war an ass awer sonner Zweiwel de Chômage partiel, wou e grousse Wäert drop geluecht gouf, datt kee vun de betraffene Salariés ënnert de Seuil vum soziale Mindestloun fält. Et goufen och Direkthëllefen an Héicht vun iwwer 200 Milliounen Euro un d’Independanten ausbezuelt Dëst ass iwwert de Wee vun enger éischter Direkthëllef vun 2.500 € an duerno iwwert eng 2. Direkthëllef vun 3.000 bis 4.000 € geschitt. Et sinn och Direkthëllefen un déi kleng a mëttelgrouss Betriber ausbezuelt ginn: Eng éischt Direkthëllef vu 5.000 € fir déi betraffe Betriber an duerno ee weidere Betrag vu 5.000 €, respektiv 12.500 €. De Lex Delles huet och Mesuren agefouert fir d’wirtschaftlech Relance vun de vulnerabelste Secteuren ze fërderen. Dëst ass geschitt iwwert de Wee vun Direkthëllefe fir den Eenzelhandel a verschidden Aktivitéiten aus dem Handwierk an iwwert de “Fonds de relance et de solidarité”, deen sech virun allem un Secteure vum Horeca, dem Evénementiel an dem Tourismus geriicht huet.

De Lex Delles weess wéi wichteg de Mëttelstand fir eis Gesellschaft ass a wäert weiderhin deene Betriber ënnert d’Äerm gräifen, déi net duerch en eegent Feelverhalen, mä duerch déi konjunkturell Situatioun vun der Pandemie vum Covid-19, an eng prekär Situatioun gerode sinn. Dofir wäert hien och weider Mesuren ergräifen, wann sech dëst als noutwenneg sollt erweisen.

Deelen:

Share on facebook
Facebook
Share on twitter
Twitter
Share on linkedin
LinkedIn
Share on email
Email
Share on whatsapp
WhatsApp

Weider News

Marc Hansen

Neie Gehälter-Accord

Den neie Gehälter-Accord mat der CGFP erlaabt et der Regierung an Zukunft, fir de Fokus am ëffentlechen Déngscht op d’Aarbechtskonditioune vun de Beamten ze leeën.

weiderliesen...