Xavier Bettel

Eng digital Strategie am Déngscht vum Bierger

Ënnert der Leedung vum Premier Xavier Bettel a vum delegéierte Minister Marc Hansen huet sech de Ministère fir Digitaliséierung eng ambitiéis Strategie fir d’Ëmsetzung vum Digital Government iwwerluecht.

An Zukunft sollen all Echangen tëscht dem Staat an Drëttpersounen online ginn. Besonnesch d’Grënner vu Betriber kéinten vun dëser simplification administrative profitéieren – ee Punkt, deen d’DP an hirem leschte Walprogramm thematiséiert huet.

E groussen Deel vun den Aktivitéite vum Ministère fir Digitaliséierung huet als Haaptzil, d’Liewe vun de Leit ze vereinfachen“. (Xavier Bettel)

De Ministère schafft den Ament kontinuéierlech um Ausbau vu neien online-Demarchen, fir d’Servicer vum e-Government ze verbesseren. Nieft der Entwécklung vun neie Funktionalitéiten op MyGuichet.lu, gouf rezent een digitaalt Portal fir Bedeelegungsprozedure lancéiert – enquetes-publiques.lu 

Besonnesch luewenswäert ass och déi participativ OpeninnovationApproche vum Ministère, duerch déi de Bierger kann aktiv um Prozess vun der digitaler Transformatioun deelhuelen. Am Kader vum neie GovTech Lab sollen an Zukunft reegelméisseg Eventer, Challengen, an Hackathonen organiséiert ginn, fir Léisungen z‘entwéckelen, déi de Besoine vun de Bierger entspriechen. 

Lëtzebuerg als Spëtzereider vun de neien Technologien

Big Data, Blockchain, Internet of Things asw. verspriechen interessant Methoden, fir d’Servicer vum ëffentlechen Déngscht ze verbesseren. Allerdéngs muss fir d‘éischt e passende Rechtskader geschaafe ginn, deen och de Schutz vun den Date garantéiert. En neie Gesetzprojet iwwert d‘Weiderverwendung vun ëffentlechen Donnéeën aus dem Secteur public an eng nei EU-Direktiv iwwert déi digital Kommunikatioune sinn um Instanzewee.

Déi beschten Techniken nëtzen allerdéngs näischt, wann een se net benotze kann. Zesumme mam Educatiounsministère gëtt dofir vill Wäert op eng digital Aus- a Weiderbildung geluecht. Nieft den intellektuelle Kapazitéiten ass den Internet-Accès ee vun den Haapt-Krittäre fir eng digital Inclusioun. Dofir investéiert d‘Regierung verstäerkt an e flächendeckenden a séieren, mobillen Internet mat 5G-Technologien.

Deelen:

Facebook
Twitter
LinkedIn
Email
WhatsApp

Weider News

André Bauler

Talent attraction zu Lëtzebuerg

A senger Tribune Libre um Radio huet eisen Deputéierten André Bauler dës Woch doriwwer geschwat, wéi wichteg et fir Lëtzebuerg ass, fir weider attraktiv fir héichqualifizéiert an innovativ Talenter och aus dem Ausland ze bleiwen; besonnesch am Finanzsekteur.

weiderliesen...
Gusty Graas

E raisonnabelen Accord salarial an der Fonction publique

A senger Tribune Libre um Radio huet de Gusty Graas dës Woch iwwert de leschten Accord salarial an der Fonction publique geschwat. Fir eisen Deputéierten ass dat e raisonnabelen Accord, dee weist, datt de Ressortminister Marc Hansen an d’CGFP e konstruktiven Dialog gefouert hunn, deen och an Zukunft fir soziale Fridden am ëffentlechen Déngscht suergt.

weiderliesen...