Est-il possible d’installer des petites éoliennes à la maison?

En plus de panneaux photovoltaïques, les petites éoliennes sont une bonne possibilité de produire sa propre électricité à la maison. Les députés du DP Max Hahn et Claude Lamberty ont donc demandé si cela était autorisé et si l'État subventionnait également les petites éoliennes.

„Den Ausbau vun den erneierbaren Energien ass eng vun de Prioritéite vun der Regierung am Kampf géint de Klimawandel. Eng interessant Pist ass de Modell vum Prosumer, also der Produktioun a Consommatioun vun Energie op lokalem Niveau, deen duerch d’Regierung och schonn op déi eng oder aner Manéier ënnerstëtzt gëtt.

D’Autoconsommatioun vun nohaltegem Stroum beschränkt sech allerdéngs am Moment op PV-Anlagen, wärend Wandkraaft éischter am Kader vu grousse Wandparke genotzt gëtt.

Déi spuenesch Firma Vortex Bladeless huet eng Turbinn entwéckelt, deen duerch de Wand a Schwéngung geréit an op déi Manéier Stroum produzéiert. De Modell ass mat maximal 3 Meter Héicht däitlech méi kleng ewéi normal Wandrieder a kéint och ënner gewësse Konditiounen z.B. um Daach vu Büroen oder Wunnhaiser installéiert ginn.

Donieft gëtt et um Marché och e grousse Choix u vertikale Wandturbinnen, déi geneesou fir d’Stroumproduktioun a klengem Moossstaf agesat kéinte ginn an PV-Anlagen ergänze kéinten.

An deem Kader wollte mir der d’Madamm Ministesch fir Ëmwelt, Klima an nohalteg Entwécklung an dem Här Minister fir Energie folgend Froe stellen:

  • Ass d’Regierung au courant vun dëse Wandturbinnen?
  • Ginn et Iwwerleeungen, ënner gewëssen Ëmstänn d’Installatioun vun esou Wandturbinnen mat méi niddreger Leeschtung z.B. doheem um Daach oder am Gaart ze erlaben? Wa jo, wat wieren d’Konditiounen?
  • Ass d‘Regierung bereet, esou Wandturbinnen, änlech ewéi PV-Anlagen, ze subventionéieren? Wann net, firwat net?“

Réponse

– Ass d’Regierung au courant vun dëse Wandturbinnen?

De Sujet vu klenge Wandanlagen ass de betraffene Ministère bekannt, an an der Vergaangenheet goufen och schonns Entwéckler vu sou Mini-Wandanlagen ënnerstëtzt. Och si vereenzelt sou Anlagen hei am Land opgeriicht ginn. Wat de spezifesche Fall vu Vortex Bladeless ugeet, sou leien dem Minister zoustänneg fir Energie keng präzis Demarchen oder Informatioune vir.

– Ginn et Iwwerleeungen, ënner gewëssen Ëmstänn d’Installatioun vun esou Wandturbinnen mat méi niddereger Leeschtung z.B. doheem um Daach oder am Gaart ze erlaben? Wa jo, wat wieren d’Konditiounen?

Wann een esou eng Anlag wëll opriichten, gëtt et jee no Anlag an no Plaz wou se soll opgeriicht ginn, verschidden Obligatiounen, wéi z.B.

–    eng Baugeneemegung,

–    eng Geneemegung opgrond vum Naturschutzgesetz beim Opriichten innerhalb vun enger Gréngzone,

–    eng Geneemegung opgrond vum Kommodosgesetz (nëmme Wandturbinnen/Wandanlage mat iwwert 100 kVA, wat dann 80 kW installéierter Leeschtung géing entspriechen, brauchen eng Kommodosgeneemegung, fir méi kleng Anlage gesäit d’Kommodosgesetz keng Obligatioune vir).

Onofhängeg vun deenen Obligatiounen ass et och wichteg, bei esou Anlagen op d’Schallemissiounen (dB Wäerter) opzepassen, genee sou wéi op déi technesch Uschlossbedingunge vum Netzbedreiwer.

– Ass d‘Regierung bereet, esou Wandturbinnen, änlech ewéi PV-Anlagen, ze subventionéieren? Wann net, firwat net?“

Fir d’Wandkraaft ginn et 2 finanziell Ureizer déi och fir kleng Wandanlage gëllen:

  • engersäits eng Hëllef op der Investitioun fir Betriber (déi beim Wirtschaftsministère ugefrot ka ginn) iwwert den Artikel 9 vum Staatshëllefgesetz vum 15. Dezember 2017;
  • an anerersäits den Aspeisetarif (vum Energieministère) deen am Reglement iwwert d’Produktioun vu Stroum op Basis vun erneierbaren Energië virgesinn ass.

Et ass och ervir ze hiewen, datt grouss Wandturbinnen däitlech méi Stroum produzéieren, wéi des kleng an d’Regierung dowéinst virun allem op den Ausbau vun dëse setzt.

Souhaitez-vous une traduction en français de cette question parlementaire ?

Partager :

Facebook
Twitter
LinkedIn
Email
WhatsApp

Plus de questions parlementaires

Le service de garde de la pédiatrie au Kirchberg continuera-t-il d’être assuré ?

Le Ministère de la Santé et la Fédération des Hôpitaux luxembourgeois ont récemment signé un accord sur l’indemnisation des gardes et des astreintes des médecins dans les hôpitaux. Il est revenu aux députés du DP Gilles Baum et Carole Hartmann qu’un seul service de garde est prévu pour la pédiatrie au Kirchberg. Pour la chirurgie pédiatrique, aucun service de garde n’est prévu. Ils ont donc demandé à la Ministre de la Santé si le service de garde peut être assuré par un seul pédiatre et comment les éventuels problèmes de capacité pouvaient être résolus.

lire plus...
Santé et sécurité au travail

Combien de fois le droit du travail a-t-il été enfreint ?

Ces dernières années, l’ITM a engagé de nouveaux inspecteurs pour effectuer des contrôles sur les chantiers et les lieux de travail. Les députés du DP André Bauler et Carole Hartmann ont demandé au Ministre du Travail, entre autres, combien de fois le droit du travail a été enfreint, quels secteurs ont été concernés et quelles sanctions ont été appliquées.

lire plus...