Les téléphones d’urgence sont-ils toujours utilisés sur les autoroutes ?

Les téléphones d'urgence permettent de contacter les services nécessaires et de demander de l'aide en cas d'accident sur l'autoroute. Aujourd'hui, cependant, de plus en plus de personnes utilisent leur propre téléphone portable. Combien sont encore utilisés ces postes d'appel d'urgence et combien coûte leur entretien ? Nos députés Claude Lamberty et Max Hahn ont demandé au ministère responsable.

« Am Summer profitéiere vill Leit fir am noen oder méi wäiten Ausland Vakanz ze maachen. Niewent Zuch a Fliger bleift den Auto e beléiften Transportmëttel fir op déi jeeweileg Destinatiounen ze reesen. D’Sécherheet vun de Chauffeuren op de Stroossen bleift domat eng Prioritéit.

Laut dem leschten Update um Site vun den Travaux publics, goufen et 2015 eng ronn 150 Nouttelefonen op de Lëtzebuerger Autobunnen. Dës sinn an den 80er Joren agefouert, a säit 2015 duerch nei Modeller an e méi moderne System ersat ginn.

An Däitschland sinn d’Uriff, déi vun dëse Bornen aus gemaach ginn, iwwert déi lescht Jore frappant erofgaangen. Dëst kéim ënnert anerem dohir, well nei Autoen zanter 2018 obligatoresch mat engem E-Call System mussen ekipéiert sinn. A Frankräich géifen d’Nouttelefonen och lues a lues verschwannen, an defekt Apparater géife net méi ersat ginn. Och an der Belsch hätt ee festgestallt dass d’Uriff vun dësen Telefonen ëmmer manner ginn. An der Wallonie wier fir 2021 esouguer decidéiert ginn, déi sougenannte ‚bornes d’appel d’urgences‘ ganz ofzeschafen. Allgemeng schéngt et, als géifen d’Nouttelefonen ëmmer méi duerch Handy Applikatioune wéi ‚SOS Autoroutes‘ oder ‚Edwige‘ ersat ginn.

An deem Kader wollte mir der Madamm Inneministesch an dem Här Minister fir Mobilitéit an ëffentlech Aarbechten folgend Froe stellen:

  • Wéi vill Nouttelefone ginn et aktuell op de Lëtzebuerger Stroossen?
  • A wat fir enger Frequenz ginn dës Borne kontrolléiert?
  • Wat waren d’Käschte vum Ënnerhalt pro Joer säit der Aféierung vun de neie Modeller 2015?
  • Wéi vill Appeller sinn iwwer déi lescht 15 Joer pro Joer iwwer dës Nouttelefone getätegt ginn?
  • Wat waren an dëse Fäll d’Haaptgrënn firwat ugeruff ginn ass?
  • Ginn et Pläng zu Lëtzebuerg de Reseau vun dëse Borne weider auszebauen oder ze moderniséieren? »

Réponse

Wéi vill Nouttelefone ginn et aktuell op de Lëtzebuerger Stroossen?

Aktuell ginn et 245 Nouttelefonen um Lëtzebuerger Autobunnsreseau.

A wat fir enger Frequenz ginn dës Borne kontrolléiert?

Eemol pro Joer gëtt en Entretien op den 245 Bornen gemaach. Wann an der Zäit tëscht den Entretienen eng Born e Problem huet, gëtt dat automatesch beim CITA gemellt an de Problem am Uschloss behuewen.

Wat waren d’Käschte vum Ënnerhalt pro Joer säit der Aféierung vun de neie Modeller 2015?

D’Käschte fir den Entretien vun den 245 Bornen belafe sech op ronn 10.000 Euro pro Joer. Ze bemierken ass, datt d’Bornen mat Solarzellen equipéiert sinn an deementspriechend autark funktionéieren, also keen zousätzlechen Uschloss un de Stroumreseau erfuerderlech ass.

Wéi vill Appeller sinn iwwer déi lescht 15 Joer pro Joer iwwer dës Nouttelefone getätegt ginn? Wat waren an dëse Fäll d’Haaptgrënn firwat ugeruff ginn ass?

De CGDIS verfüügt eréischt säit der Aféierung vum Einsatzleitsystem («ELS») 2016 iwwer Donnéeë vun den Appeller, déi iwwert d’Nouttelefonen op den 112 erakommen. Virun 2016 sinn dës Appeller iwwer e Programm vum CITA transitéiert, soudatt déi gewënschte Statistik aus dëse Jore net virläit.

Säit 2016 sinn 1.382 Appeller enregistréiert ginn:

  • 2016: 150
  • 2017: 169
  • 2018: 217
  • 2019: 223
  • 2020: 209
  • 2021: 224
  • 2022: 190 (bis de 7. September)

Et stellt ee fest, datt dës Appeller, déi zum Beispill 2021 ronn 0,6% vun allen Noutriff ausgemaach hunn, iwwert déi lescht 5 Joer konstant bliwwe sinn.

Déi grouss Majoritéit vun den Uriff op den 112, déi vun enger Born aus gemaach gi sinn, ware Meldunge vun enger Pann. Am Joer 2021 goufen zum Beispill 6 Accidenter, 3 Bränn an 2 medezinesch Urgencen iwwer eng Born gemellt. 213 mol gouf eng Pann gemellt, oder et huet sech ëm en Test oder en techneschen Defekt gehandelt. D’Pannemeldunge leet den 112 un de CITA weider.

Ginn et Pläng zu Lëtzebuerg de Reseau vun dëse Borne weider auszebauen oder ze moderniséieren?

D’Borne sinn um leschte Stand vun der Technik a brauchen net moderniséiert ze ginn.

De Reseau vun de Bornen gëtt am Kader vun Neibauprojeten op den Autobunnen, wéi zum Beispill beim Projet “Liaison Micheville – Contournement de Raemerich”, ausgebaut. Op dësem Segment sinn zum Beispill 4 nei Bornen geplangt.

Souhaitez-vous une traduction en français de cette question parlementaire ?

Partager :

Facebook
Twitter
LinkedIn
Email
WhatsApp

Plus de questions parlementaires

Un deuxième PET-CT sera-t-il acquis ?

L’ancienne Ministre de la Santé avait annoncé qu’un deuxième PET-CT pourrait être acquis afin de réduire le temps d’attente des patients. Les députés du DP André Bauler et Carole Hartmann ont demandé à l’actuelle Ministre de la Santé où en étaient les préparatifs pour l’acquisition de ce deuxième PET-CT, si cet appareil pourrait éventuellement venir à l’hôpital d’Ettelbruck et quelle a été l’évolution du nombre de traitements dans ce domaine au cours des dix dernières années.

lire plus...

Une campagne d’information contre les allergies serait-elle utile ?

De plus en plus de personnes développent des allergies aux aliments, aux pollens ou aux acariens. La députée du DP Carole Hartmann a demandé à la ministre compétente comment le nombre de personnes allergiques a évolué au cours des dix dernières années, si une campagne d’information devrait être lancée et quand l’application mobile pollinique annoncée sera disponible pour les personnes concernées.

lire plus...

Combien de fois le congé d’aidant et le congé pour raisons de force majeure ont-ils été utilisés jusqu’à présent ?

Depuis l’année dernière, deux nouveaux congés peuvent être demandés lorsqu’on doit s’occuper de sa famille. Les députées du DP Carole Hartmann et Corinne Cahen ont notamment demandé au Ministre du Travail combien de fois ces congés ont été demandés jusqu’à présent et combien de temps il faut à un employeur pour obtenir l’aide financière prévue de l’État.

lire plus...