Lex Delles

LëtzShop – Eng Success Story

D’Leit kafen ëmmer méi online. Dësen Trend huet sech wärend der Pandemie nach eemol verstäerkt. Fir de Besoine vun de Konsumenten entgéint ze kommen a gläichzäiteg de lokale Commerce ze ënnerstëtze gouf d’Plattform Letzshop.lu an d’Liewe geruff. Si dréit och zur Diversifikatioun an Digitalisatioun vum Lëtzebuerger Eenzelhandel bäi.

D’Zuele schwätze fir sech. Mëttlerweil sinn iwwer 500 lokal Geschäfter um Site, déi ongeféier 370.000 Artikele proposéieren. Tëschent Juni 2020 an Oktober 2020 hunn iwwer 450.000 Leit den Onlineshop besicht an et gouf iwwer 3 Millioune Säitenopriff. Enn 2020 goufen och Geschenkbongen am Wäert vun 350.000€ op Letzshop.lu verkaf.

De Mëttelstandsminister Lex Delles ass iwwerzeegt : „ D’Onlineverkafsplattform Letzshop hëlleft de Geschäfter sech der digitaler Erausfuerderung ze stellen a gläichzäiteg deen Eenzelhandel ze ënnerstëtzen.“ Fir d’Geschäfter grad an dëse schwieregen Zäiten ze incitéieren de Schratt op d’Plattform ze woen, huet de Mëttelstandsminister och decidéiert, datt déi järlech Cotisatioun vu 500€ fir 2020 an 2021 net ze bezuelen ass.

Zudeem gouf wärend dem éischte Lockdown eng zousätzlech Plattform corona.letzshop.lu kuerzfristeg agesat. Dës huet e Liwwerservice fir déi vulnerabel Persounen offréiert, déi net konnten oder wollten an de Supermarché goen.

Letzshop ass eng wichteg komplementar Léisung zum klasseschen Eenzelhandel, besonnesch fir déi Betriber déi hir Diere wärend der Kris hu missten zoumaachen. Duerch de kompletten Abroch vum Ëmsaz vum traditionellen Eenzelhandel konnten eng sëllege Betriber sech iwwert de Wee vum Online-Handel ee klengt Basisakommes sécheren. Och wann eesech aner Ëmstann gewënscht hatt, sou hunn iwwert 130 nei Betriber, bedéngt duerch d’Kris, de Wee an d’Digitalisatioun méi séier ageschloen. D’Covid-19 Kris huet gewisen, dass et wichteg ass fir ee Betrib seng Wueren iwwert méi Weeër unzebidden. D’Plattform Letzshop dréit dofir ee substantiellen Deel dozou bäi fir dass den Eenzelhandel ee gesonde Mix tëschent klasseschem Verkaf an Online-Presenz ka fannen.

Fir de Lex Delles an d’DP sinn déi lokal Geschäfter ee fundamentaalt Element an eiser Wirtschafts- a Sozialstruktur sinn an zum Bild vun eise Stad- an Duerfkäre bäidroen. Hiert Iwwerliewen ass vun héchster Wichtegkeet.

Deelen:

Share on facebook
Facebook
Share on twitter
Twitter
Share on linkedin
LinkedIn
Share on email
Email
Share on whatsapp
WhatsApp

Weider News

Lydie Polfer

Ëffentlech Sécherheet an der Stad

„Déi éischt Missioun vum Staat a vun de Gemengen ass et, de Bierger hier Sécherheet ze garantéieren. Do hapert et gewalteg, op der Gare an och zu Bouneweg, an dat ass keen neie Phenomen“, esou de Constat vun der Stater Deputée-Maire Lydie Polfer an der Chamber, am Kader vun enger Aktualitéitsstonn iwwert d’ëffentlech Sécherheet.

weiderliesen...
André Bauler

D’Lëtzebuerger Kreativwirtschaft weider fërderen

2015 hat d‘Lëtzebuerger Kreativwirtschaft e Méiwäert vu ronn 400 Milliounen Euro opweises an huet méi wéi 7.000 Leit beschäftegt. An enger erweiderter Fro wollt den DP-Deputéierten André Bauler vum Mëttelstandsminister wëssen, wéi sech de Secteur zanterhier entwéckelt huet a wat d‘Perspektive fir d’Zukunft sinn.

weiderliesen...