Mathis Ast

Mathis Ast – Neie Wormer Buergermeeschter

De 36 Joer ale Mathis Ast ass neie Buergermeeschter vu Wormer. Bei sengen éischte Walen 2011 gëtt hien direkt Drëttgewielte vu senger Ekipp. 2017 gëtt hien Zweetgewielten a seng Ekipp kritt eng kloer Majoritéit. Hien eenegt sech du mam Max Hengel op e Splitting vum Buergermeeschter.

Firwat hutt Dir iech politesch engagéiert a firwat bei der DP?

MA: Ech war schonn a menger Jugend u Politik interesséiert a Member a verschiddene Jugendkommissiounen. Ech kennen d’Deputéiert Carole Hartmann a Gilles Baum ganz laang an deelen hier politesch Usiichten. Wéi de Jean Beining mech dunn 2011 gefrot huet, fir mat senger Ekipp an d’Walen ze goen, hunn ech direkt „Jo“ gesot a mech och bei der DP engagéiert.

Wat sinn Är politesch Prioritéiten als neie Buergermeeschter?

MA: D‘Gemeng muss der Awunnerzuel ugepasst ginn; mir brauche méi Plaz fir d’Verwaltung a méi e grousse Parking. Weider brauche mir en neit Gebai fir de Service technique an e Pompjeesbau um Wormer Bierg.

D’Entwécklung vu Wormer läit mir besonnesch um Häerz. An der Gemeng ass vill gebaut ginn. Elo sinn nach Sozialwunnenge geplangt an een urbanistesche Concours mat Workshoppe fir d’Bierger.

Zu Éinen gëtt eng Adventure-Spillplaz mat engem Kiosk an engem Gite touristique gebaut. An den Ofschloss vun der Vëlospist tëscht Schengen a Waasserbëlleg wäert eng Plus-value fir den Tourismus a fir d’Bierger sinn.

Wat gefält Iech am beschten u Wormer a generell un der Musel?

MA: Ech schaffen an der Stad a wunnen op der schéiner Musel. Doheem ass all Dag fir mech ewéi an der Vakanz: wonnerschéi Wéngerten, flott Traditiounen, wéi eis Wäifester mat ganz gudde Wënzerbetriber, an eng  Gastronomie, déi vill ze bidden huet.

Deelen:

Share on facebook
Facebook
Share on twitter
Twitter
Share on linkedin
LinkedIn
Share on email
Email
Share on whatsapp
WhatsApp

Weider News

Lydie Polfer

Ëffentlech Sécherheet an der Stad

„Déi éischt Missioun vum Staat a vun de Gemengen ass et, de Bierger hier Sécherheet ze garantéieren. Do hapert et gewalteg, op der Gare an och zu Bouneweg, an dat ass keen neie Phenomen“, esou de Constat vun der Stater Deputée-Maire Lydie Polfer an der Chamber, am Kader vun enger Aktualitéitsstonn iwwert d’ëffentlech Sécherheet.

weiderliesen...
André Bauler

D’Lëtzebuerger Kreativwirtschaft weider fërderen

2015 hat d‘Lëtzebuerger Kreativwirtschaft e Méiwäert vu ronn 400 Milliounen Euro opweises an huet méi wéi 7.000 Leit beschäftegt. An enger erweiderter Fro wollt den DP-Deputéierten André Bauler vum Mëttelstandsminister wëssen, wéi sech de Secteur zanterhier entwéckelt huet a wat d‘Perspektive fir d’Zukunft sinn.

weiderliesen...