DP-Fraktioun

Neies aus der Fraktioun

Kuerz virun der politescher Summervakanz huet d’DP-Fraktioun hiren traditionelle Bilan virun der Press gezunn.

D’Fraktioun ass déi nei Legislaturperiod mat vill Äifer a Fläiss ugaangen, esou de President Gilles Baum. Mat der Erhéijung vum Mindestloun, dem Aféiere vun engem zousätzleche Congésdag an dem Verkierze vum Stage am ëffentlechen Déngscht konnten direkt am éischte Joer vill Punkten aus dem Koalitiounsaccord ëmgesat ginn. Et hätt ee wëlle mat deem Elan weiderfueren, mä d’Joer 2020 wier bis ewell haaptsächlech vun der Coronakris dominéiert gewiescht – an domadder och déi parlamentaresch Aarbecht.

D’DP-Fraktioun hätt awer wärend där Zäit Verantwortung iwwerholl a wier ëmmer disponibel gewiescht, fir kuerzfristeg op d’Entwécklung vun den Infektiounszuelen ze reagéieren. De Fraktiounspresident huet an deem Kontext nach eemol ënnerstrach, datt et fir d’DP keen einfachen Zeréck an déi al Normalitéit dierft ginn. Et misst een déi richteg Léieren aus der Corona-Kris zéien an déi entstane Chancen notzen. Dat wier eng Prioritéit fir déi kommend Méint: ugefaange bei der Fërderung vum Télétravail.

Wärend dem Confinement waren déi positiv Auswierkunge vum Homeoffice nämlech iwwerall ze spieren: manner Stroossentrafic, méi Plaz an de Bussen an an den Zich, méi Zäit fir Famill a Fräizäit. Op deem Wee wëlle mir weiderfueren.

Déi sanitär Kris hätt och gewisen, wéi wichteg d’Stäerke vun eise lokale Betriber a vun eise lokale Liwwerkette wieren. „Fir eis Ofhängegkeet vum Ausland ze reduzéieren, solle mir de Courage hunn, fir nees méi lokal ze denken“, huet de Gilles Baum ënnerstrach. Dat géif net nëmme fir de Commerce a fir eis Handwierksbetriber gëllen, mä och fir den Tourismus.

Donieft wäert sech d’DP weider fir eng méi flexibel Aarbechtszäitgestaltung fir all Salariéen asetzen. De Confinement hätt nämlech bewisen, datt d’Flexibilitéit op der Aarbecht de Leit guttdeet. D’DP-Fraktioun wëll dofir dem Wonsch vu ville Salariéen nokommen a hinne séier d’Méiglechkeet ginn, fir en eegenen Aarbechtsmodell mat hirem Patron auszehandelen.

DP-Fraktioun
Pim Knaff
Pim Knaff – Eisen neie Süddeputéierten
(52 Joer, Affekot, Schäffe vun der Stad Esch)

Deelen:

Share on facebook
Facebook
Share on twitter
Twitter
Share on linkedin
LinkedIn
Share on email
Email
Share on whatsapp
WhatsApp

Weider Artikelen

Atert-Wark – déi nei DP-Sektioun am Norden

D’Gemeng Mäerzeg mam Buergermeeschter Mike Poiré huet sech dëtt Joer der Sektioun Réiden ugeschloss an dorausser ass d‘Fusiounssektioun Atert-Wark ginn. Bis 2020 war d’Gemeng Mäerzeg nach an der Sektioun Nordstad.
Déi al Sektioun Réiden iwwerdeems huet zanter jeehier mat der Sektioun Rammerech zesumme geschafft; dofir stelle mer iech hei an engems d‘Rammerecher Sektioun an hire neie President vir.

Am Spotlight – Claire Sertznig

Dës Kéier am Spotlight: d’Claire Sertznig, déi nei DP-Conseillère am Maacher Gemengerot.
D’Duechter vun hirem Virgänger René Sertznig huet vun doheem aus fréi Kontakt mat der Politik gehat. Dofir ass et kee Wonner, datt d’Claire sech fir d’éischt an der JDL an dono an der Gemengepolitik engagéiert huet.

Corinne Cahen

Interview mat der Familljeministesch Corinne Cahen

Et geet de Bewunner gréisstendeels gutt. Allerdéngs kréien ech all Dag vun eelere Mënsche gesot, se wéilten ni méi agespaart sinn. Ech kann dat ganz gutt verstoen. Mir wäerten dofir alles maachen, fir dass jidderee säi Liewe selbstbestëmmt liewe kann, och an den Alters- a Fleegeheemer.

Iddi vum Mount – Gratis Museksunterrecht

Genee wéi d’DP dat an hirem Walprogramm gefuerdert huet, wäerten d‘Kanner an déi Jugendlech vun engem landeswäite gratis Museksunterrecht profitéiere kënnen, an zwar vun der Rentrée 2022/2023 un.