D’DP ass de Garant fir soziale Fridden am Land

D’Bilanspressekonferenz vun der DP-Fraktioun iwwert déi leschte Chamber-Sessioun gouf dominéiert vun de laangfristege Suite vun der Covid-Pandemie a vun den direkte Konsequenze vum Krich an der Ukrain.

A béide Fäll hätten d’Regierung an d’Majoritéit um Krautmaart konsequent gehandelt an d’Solidariéit vis-à-vis vun deene Leit spille geloosse, déi am meeschten ze leiden hunn.

Esou hätt eist Land direkt deenen Ukrainer d’Dieren opgemaach, déi bei sech doheem neméi sécher waren. A vum Tripartite-Accord géingen zemol eis Bierger mat de méi schmuele Schëllere profitéieren.

Aus der annoncéierter, grousser Steier-Reform géing direkt emol näischt ginn, huet de Gilles Baum ënnerstrach, ganz einfach, well d’Suen den Ament fir aner Saache gebraucht ginn. Eng Steierreform mat Scholden ze finanzéieren, dat kéim mat der DP op alle Fall net a Fro.

D’DP-Fraktioun géing am Géigendeel fir eng responsabel a wäitsiichteg Budgets- a Steierpolitik stoen – ouni déi vulnerabelst Memberen an eiser Gesellschaft ze vergiessen.

Genee esou wichteg fir d’Zukunft vun eiser Gesellschaft ass fir de liberale Grupp an der Chamber awer d’Lutte géint de Klimawandel. Mir mussen den nächste Generatiounen e liewenswäerte Planéit hannerloossen, huet de Gilles Baum an enger Rei mat senge Chamberkolleege betount: Net fir muer, net fir iwwermuer, Neen, dat muss direkt geschéien.

Deelen:

Facebook
Twitter
LinkedIn
Email
WhatsApp

Weider News

Guy Arendt

Eng Digitalisatioun fir all Mënsch

A der Tribune Libre vun der DP huet eisen Deputéierte Guy Arendt dës Woch iwwer d’Wichtegkeet vun der digitaler Inclusioun zu Lëtzebuerg geschwat. Dat heescht iwwer d’Efforten, déi hei am Land geholl ginn, fir datt all Mënsch ka mat an dat neit, digitaalt Zäitalter geholl ginn.

weiderliesen...