Nodeems mir am Dezember drop verzicht hunn, Réckblécker ze liesen, well mer souwisou scho wossten, datt dat Corona-Déngen do d’ganz Joer dominéiert – a mer esou lues och d’Flemm hunn, doriwwer ze liesen – proposéieren ech Iech haut en Ausbléck op 2021.

De Corona-Virus ass erëm omnipresent! Dat erkennt ee schonn um Toilette-Pabeier-Index. D’Rayone gesinn erëm ganz schéin eidel aus. Glécklech sinn do déi Leit, déi en Deel vun hirem Toilettëpabeier-Stock vum Mäerz agefréiert hunn!

Am Lëtzebuerger Marieland ass een sech eens. 2020 ass eent vun de schlëmmste Joren zanter laangem. Esouguer d’Päischtcroisière huet missen ofgesot ginn!