De Mathis Prost – en neien DP-Conseiller um Knuedler

Nom Depart vun der Tanja de Jager, huet den 42 Joer ale Mathis Prost hire Posten als Gemengeconseiller an der Stad iwwerholl.

De Mathis wunnt mat senger Fra a sengen zwee Kanner zu Gaasperech. Hie schafft als juristesche Beroder bei der SES. A senger Fräizäit fotograféiert hie gären a geet gäre spadséieren.

Firwat hues du dech politesch engagéiert a firwat bei der DP? 

Meng Eltere ware scho politesch aktiv. Esou hunn ech fréi geléiert, dass et wichteg ass, sech fir d’Politik z‘interesséieren a sech aktiv fir den demokratesche Prozess am Land anzesetzen. Vill Mënschen hunn net d’Chance, an engem Land ze wunnen, wou d’Mënscherechter selbstverständlech sinn. Dofir setzen ech mech fir den demokrateschen, fräien a liberale Gedanken an.

Wat sinn deng politesch Prioritéiten als Conseiller?

Éischtens d’Sécherheet vun de Bierger, déi ech scho wärend mengen zwee éischte Mandater am Gemengerot aktiv gefërdert hunn: ech denken do zemol un d‘Ännerung vum Policereglement. Zweetens d’Jugend: Mir mussen deene jonke Familljen an de Jugendlechen eng attraktiv Stad bidden. Drëttens d’Finanzen, well ouni Sue kënne mir keng Zukunftsprojeten ëmsetzen.

Wat gefält dir am beschten an der Stad?

Eis Stad ass aussergewéinlech divers: multikulturell, aktiv, propper an attraktiv. Mir bidden alles, wat ee brauch fir flott a gutt ze liewen. E Bemole sinn awer déi héich Wunnengspräisser. Do muss eppes op nationalem Niveau geschéien.

Deelen:

Facebook
Twitter
LinkedIn
Email
WhatsApp

Weider News

Carole Hartmann

No bei dir.

An hirer Tribune Libre schwätzt eis Generalsekretärin Carole Hartmann dës Woch iwwert de Lancement vun der DP-Campagne fir d’Gemengewale vum 11. Juni 2023.

weiderliesen...