Carole Hartmann

Ëmwelt a Gesondheet ginn Hand an Hand

Eis Ëmwelt huet en direkten Afloss op eis Gesondheet – an dat a villerlee Hisiicht. Dat huet d’Covid-Pandemie däitlech gewisen. D’DP wëll dofir de Stellewäert vun der Ëmweltmedezin a vun der Gesondheetspolitik stäerken. 

Mir mussen an Zukunft net nëmme méi op op Zoonosen uecht dinn – also Infektiounskrankheeten, déi tëschent Mënschen an Déieren iwwerdroe ginn. Och aner Facteure spille méi eng wichteg Roll fir eis Gesondheet, wéi mer eis däers dacks bewosst sinn. Eng schlecht Qualitéit vu Loft, Waasser oder Buedem, ze vill Luucht oder Kaméidi, Pestiziden an Allergie kënne sech negativ op eis Gesondheet a eist Wuelbefannen auswierken. Si ginn awer allze dacks net als Ursaach vun eise Gesondheetsproblemer erkannt. 

Genee hei setzt d’Ëmweltmedezin un. Si versteet sech als Kausalmedezin, mam Zil, d’Ursaache vu gesondheetleche Problemer z’ënnersichen, amplaz just d’Symptomer ze behandelen. Dofir berécksiichtegt si bei der Diagnos och d’Genetik an eist natierlecht Ëmfeld. Fir datt d’Patiente vun der Ëmweltmedezin profitéiere kënnen, ass et awer néideg, datt d’Nomenclature ugepasst gëtt, fir datt Analysen an Traitementer– z.B. Entgëftungen – kënne vun der Krankekeess rembourséiert ginn. Mir mussen endlech vun der Gewunnecht ewechkommen, datt et duergeet d’Symptomer mat Medikamenter ze behandelen. Mir mussen dofir léieren, d’Zesummenhäng besser z’erkennen, d’Ursaache vun de Symptomer direkt unzegoen an d’Preventioun méi wäit ze denken.  

D’Sensibiliséierung spillt an deem Kontext och eng wichteg Roll, well vill Leit d’Ëmweltmedezin net richteg kennen. Dat gëllt fir d’Bevëlkerung an och fir d’Gesondheetspersonal. Dofir mussen d’Dokteren, d’Infirmièren an Hiewane besser sensibiliséiert a forméiert ginn. Nëmmen da kënne mir vum grousse Potenzial vun der Ëmweltmedezin profitéieren.

Carole Hartmann,
Deputéiert

Deelen:

Share on facebook
Facebook
Share on twitter
Twitter
Share on linkedin
LinkedIn
Share on email
Email
Share on whatsapp
WhatsApp

Weider News

Startschoss fir de Klimabiergerrrot : Zesumme fir e bessere Klimaschutz

Fir d’Leit méi staark an d’Diskussioune ronderëm d’Klimapolitik anzebannen, hat de Premier Xavier Bettel am Oktober d’Schafe vun engem Klimabiergerrot annoncéiert – viru kuerzem huet hien déi genee Detailer dozou presentéiert. A senger Tribune libre geet de Generalsekretär vun der DP, de Claude Lamberty op dësen zu Lëtzebuerg eenzegaartege Projet an, an ënnersträicht d’Wichtegkeet vun enger ambitiéiser Klimapolitik, déi och vun de Bierger gedroe gëtt.

weiderliesen...
Pierre Gramegna

Communiqué de presse

Le Parti démocratique informe que Pierre Gramegna, ministre des Finances et du Budget, a annoncé sa volonté de démissionner de ses fonctions ministérielles pour des raisons personnelles.

weiderliesen...