Flexibel Aarbechtszäiten

Iddi vum Mount – Flexibel Aarbechtszäiten

Méi flexibel Aarbechtszäiten – an dat fir jiddereen!

An der éischter Editioun vum DP Magazin hu mir den Teletravail virgestallt, mat deem mir de Leit an Zukunft manner Zäit am Stau an dofir méi Zäit fir sech a fir hir Famill erméigleche wäerten. Ma och méi flexibel Aarbechtszäite sinn zanter laangem e wichtegt Uleies vun der DP, fir dat mir eis och an Zukunft asetzen. Ee Schratt a Richtung vu méi flexibele Schaffzäite sinn d’Aarbechtszäitkonten.

Aarbechtszäitkonte generell aféieren

No der Aféierung vun Aarbechtszäitkonte am ëffentlechen Déngscht, huet d’Regierung eent vun hire Versprieche séier ageléist, andeems och Salariéen elo kënne vun esou Aarbechtszäitkonte profitéieren. D’Gesetz huet awer e klenge Schéinheetsfeeler, well déi Mesure just fir Betriber mat engem Kollektivvertrag gëllt. Mir setzen eis elo dofir an, datt alleguerten déi Beschäftegt kënnen hir Iwwerstonnen, an de Rescht vun hirem Congé, op engem perséinlechen Aarbechtszäitkont spueren. Déi Stonne kënnen z.B. fir Zäit mat der Famill, eng méi laang Vakanz, eng Auszäit oder fir eng Weiderbildung profitéiert ginn.

D’Aarbechtszäite flexibel gestalten

Wann een d’Iddi vun den Aarbechtszäitkonte weiderdenkt, dann ass ee séier bei enger anerer Fuerderung vun der DP, nämlech bei enger Joresaarbechtszäit (z.B. 1.800 Stonnen). Mir wëllen eng familljefrëndlech Flexibiliséierung vun der Aarbechtszäit, andeems mir déi rigid Reglementatioun upassen. D’Reegelung vun der maximaler Aarbechtszäit pro Dag (10 Stonnen) a pro Woch (48 Stonnen) soll dobäi bestoe bleiwen. Och d’Zouschléi fir d’Sonndeger a fir d’Feierdeeg gëlle weider. D’Aarbechtszäite sollen an Zukunft kënnen individuell tëschent dem Patron an dem Salarié ausgehandelt ginn. Mir wëllen dobäi op kee Fall déi traditionell 40-Stonne-Woch ofschafen, ma mir wëllen deene Leit entgéint kommen, déi net un engem 9-bis-17-Auer-Job interesséiert sinn. Patronen a Salariéen, déi keng zousätzlech Flexibilitéit brauchen oder wëllen, solle weider nom aktuelle System fuere kënnen.

Deelen:

Facebook
Twitter
LinkedIn
Email
WhatsApp

Weider Artikelen

Yuriko Backes

Yuriko Backes – déi nei Finanzministesch

Als Finanzministesch ass et eng natierlech Prioritéit, dofir ze suergen, datt ons Staatsfinanze weider gesond bleiwen. Da kënne mir nämlech onst Land gezielt op d’Zukunft virbereeden, an zwar andeems mir an déi nohalteg an an déi digital Entwécklung investéieren.

Klimabiergerrot

Am Kader vu senger Ried zur Lag vun der Natioun huet de Premier Xavier Bettel d’Iddi vun engem Klimabiergerrot lancéiert. Enn Januar ass et du lassgaang: An der éischter vu ronn 15 Reunioune sinn d’Membere fir d’éischt  iwwert den aktuelle Stand der Dinge a Saache Klimapolitik informéiert ginn.

Xavier Bettel

Fokus op Sozial Kohäsioun

A senger Ried zur Lag vun der Natioun huet de Premier Xavier Bettel déi sozial-liberal Richtung vun der Regierung mat weideren Hëllefen am soziale Beräich ënnerstrach.

Gilles Baum

Prost op eise gudde Lëtzebuerger Wäin a Cremant

Kierzlech huet de Gilles Baum eng Interpellatioun zum Lëtzebuerger Wäibau ugefrot. An den Ae vum Ost-Deputéierten ass de Wäibau net nëmmen e wichtege Wirtschaftsfacteur fir eist Land, ma den traditionelle Savoir-Faire ass och en Deel vum nationale Patrimoine. Dofir ass et der DP och wichteg, datt d’Chamber sech reegelméisseg mat deem Sujet befaasst.

Am Spotlight: Sheila Schmit

D’Sheila Schmit huet definitiv hire Wee fonnt. Si huet sech virun 2 Joer komplett als liberal Hiewan selbststänneg gemaach. Virdrun huet si ë.a. 15 Joer am Escher Spidol geschafft. Ma si war ës ebemol midd mat de Schichten, mat der Organisatioun am Spidolswiesen a mat den Aarbechtskonditiounen.