Teletravail - Fraktioun

Iddi vum Mount – Teletravail

Vun doheem aus schaffen? Dat ass an de leschte Méint fir vill Leit eng Realitéit ginn. An et fonctionéiert!: Dat seet op alle Fall eng rezent Etüd vum STATEC. Eng grouss Majoritéit vun de Befroten huet eng positiv Erfarung mam Teletravail gemaach. Vun doheem aus schaffen, dat heescht virun allem, de Wee op d’Aarbecht spueren. Dat bedeit och méi Zäit fir Famill, Frënn an Hobbyen. An och de Patron profitéiert, well seng Mataarbechter si méi zefridden a besser motivéiert. Also eng klassesch Win-Win-Situatioun!

D‘DP als Virreider

D’DP-Fraktioun war scho virun der Pandemie vun de Virdeeler vum Teletravail iwwerzeegt. Zanter Ufank vum Joer hunn nämlech all d‘Mataarbechter d’Recht krut, fir zwee Deeg an der Woch vun doheem aus ze schaffen – antëscht sinn et schonn 3 Deeg. Och de Minister vum ëffentlechen Déngscht Marc Hansen huet kee Virus gebraucht, fir zejoert Pilotprojeten an eenzele Verwaltungen ze lancéieren. 

Am Mäerz huet de Ressortminister dunn zéngdausende Beamten an den Teletravail geschéckt: Eng Herkulesaarbecht, déi exemplaresch gemeeschtert ginn ass.

Steierlech Ureizer an e klore Kader

Mir wäerten den Teletravail och an Zukunft fërderen, andeems mir steierlech Ureizer fir d‘Betriber a fir d‘Salariéeë schafen, déi vum Teletravail profitéieren. An der Fonction Publique huet bis op Weideres all Beamten d’Recht op dräi Deeg Teletravail an der Woch. Gläichzäiteg wäerte mir verhënneren, datt de soziale Kontakt zum Betrib an zu den Aarbechtskolleege verluer geet. Dofir setze mir eis fir e gesetzleche Kader an, deen d’Rechter an d’Flichten am Teletravail kloer definéiert.

Den Teletravail ass natierlech och interessant fir déi ronn 200.000 Frontalieren. De Finanzminister Pierre Gramegna huet et fäerdeg bruecht, datt si bis Enn dës Joer vun doheem aus schaffe kënnen, ouni steierlech Nodeeler ze hunn. Mir setzen alles drun, datt an Zukunft all Frontalier op d‘mannst een Dag an der Woch vum Teletravail profitéiere kann.

Deelen:

Share on facebook
Facebook
Share on twitter
Twitter
Share on linkedin
LinkedIn
Share on email
Email
Share on whatsapp
WhatsApp

Weider Artikelen

Atert-Wark – déi nei DP-Sektioun am Norden

D’Gemeng Mäerzeg mam Buergermeeschter Mike Poiré huet sech dëtt Joer der Sektioun Réiden ugeschloss an dorausser ass d‘Fusiounssektioun Atert-Wark ginn. Bis 2020 war d’Gemeng Mäerzeg nach an der Sektioun Nordstad.
Déi al Sektioun Réiden iwwerdeems huet zanter jeehier mat der Sektioun Rammerech zesumme geschafft; dofir stelle mer iech hei an engems d‘Rammerecher Sektioun an hire neie President vir.

Am Spotlight – Claire Sertznig

Dës Kéier am Spotlight: d’Claire Sertznig, déi nei DP-Conseillère am Maacher Gemengerot.
D’Duechter vun hirem Virgänger René Sertznig huet vun doheem aus fréi Kontakt mat der Politik gehat. Dofir ass et kee Wonner, datt d’Claire sech fir d’éischt an der JDL an dono an der Gemengepolitik engagéiert huet.

Corinne Cahen

Interview mat der Familljeministesch Corinne Cahen

Et geet de Bewunner gréisstendeels gutt. Allerdéngs kréien ech all Dag vun eelere Mënsche gesot, se wéilten ni méi agespaart sinn. Ech kann dat ganz gutt verstoen. Mir wäerten dofir alles maachen, fir dass jidderee säi Liewe selbstbestëmmt liewe kann, och an den Alters- a Fleegeheemer.

Iddi vum Mount – Gratis Museksunterrecht

Genee wéi d’DP dat an hirem Walprogramm gefuerdert huet, wäerten d‘Kanner an déi Jugendlech vun engem landeswäite gratis Museksunterrecht profitéiere kënnen, an zwar vun der Rentrée 2022/2023 un.