Martine Dieschburg-Nickels – Méi Support fir d’Gemengen

Neen, d’Pandemie vum Covid 19-Virus huet d’Aarbecht vun der Federatioun vun den DP-Gemengevertrieder zu Lëtzebuerg net stoppe kënnen.

D’Presidentin Martine Dieschburg-Nickels fënnt, datt een dat lescht Joer trotzdeem gutt geschafft hätt, och wann digital Versammlungen ni kéinten de perséinleche Kontakt ersetzen.

Ma op der leschter Generalversammlung am November hätt een esouguer aussergewéinlech vill Leit zesummekrut, besonnesch aus de Géigende baussent dem Zentrum vum Land. Dat géing dee gudden Elan aus de leschte Jore bestätegen, an deenen nei, motivéiert Leit aus deene 4 Bezierker an d’FCCD dobäi komm wieren.

D’Pandemie hätt gewisen, wéi eng wichteg Roll d’Gemengen am Land spillen. An déi lescht Méint wieren d’Aufgaben op kommunalem Niveau wéinst dem Virus esouguer an d’Luucht gaangen.

Dat géing awer och fir de Logement gëllen, wou een sech méi séier Prozeduren a méi Bäihëllefe vum Staat erwaart, fir senger Roll kënne gerecht ze ginn. De kommunalen Niveau géing hei no an no u seng Limitte stoussen. Net ze vergiessen, datt méi Logement méi Awunner bedeit. An dat verlaangt alt erëm méi Gemengen-Infrastrukturen a -Servicer.

D’FCCD wëll op alle Fall weider un dësen Dossiere schaffen a mathëllefen, datt d’DP hei koherent an innovative Léisungsvirschléi presentéiere kann.

FCCD

D’Fédération des Conseillers communaux démocrates regroupéiert déi gewielte Gemengevertrieder vun der DP, awer och d’DP-Kandidate vun de leschte Gemengewalen. D’FCCD diskutéiert reegelméisseg iwwert d’Themen, déi d’Entwécklungen op Gemengenniveau betreffen. D’Federatioun gëtt vun der DP-Conseillère Martine Dieschburg-Nickels vu Stroossen presidéiert.

Deelen:

Facebook
Twitter
LinkedIn
Email
WhatsApp

Weider News

Claude Lamberty

E Solidaritéitspak fir Land a Leit

An der Tribune Libre um Radio schwätzt eise Generalsekretär Claude Lamberty dës Woch iwwert den historesche Solidaritéitspak vun 830 Milliounen Euro, op deen d’Tripartite sech gëeenegt huet, fir d’Leit an d’Betriber duerch déi aktuell Kris ze bréngen.

weiderliesen...

Zesumme géint Russland stoen

A senger Tribune libre um Radio schwätzt eisen Deputéierte Gusty Graas iwwert déi russesch Attacke géint d’Ukrain an iwwert d’Mesuren, déi de fräiheetlech gesënnte Länner géint de Regime vum Wladimir Putin zur Verfügung stinn.

weiderliesen...
Yuriko Backes

Yuriko Backes – déi nei Finanzministesch

Als Finanzministesch ass et eng natierlech Prioritéit, dofir ze suergen, datt ons Staatsfinanze weider gesond bleiwen. Da kënne mir nämlech onst Land gezielt op d’Zukunft virbereeden, an zwar andeems mir an déi nohalteg an an déi digital Entwécklung investéieren.

weiderliesen...

Klimabiergerrot

Am Kader vu senger Ried zur Lag vun der Natioun huet de Premier Xavier Bettel d’Iddi vun engem Klimabiergerrot lancéiert. Enn Januar ass et du lassgaang: An der éischter vu ronn 15 Reunioune sinn d’Membere fir d’éischt  iwwert den aktuelle Stand der Dinge a Saache Klimapolitik informéiert ginn.

weiderliesen...