Gilles Baum

Déi mental Gesondheet zu enger politescher Prioritéit maachen

Mir leiden alleguerten ënnert der sanitärer Kris. Ongewëssheet, Existenzängscht an Isolatioun hunn en negativen Impakt op eist Liewen. D’DP wëll dofir an dësen Zäiten de Bléck op déi mental Gesondheet vun der Gesellschaft net vernoléissegen.

Den Tabu an de Stigma maachen et ville Leit schwéier, fir iwwert hir mental Gesondheet ze schwätzen. D’DP wëll mat alle Mëttelen dogéint virgoen. Kee soll sech dofir schumme mussen, wann en Hëllef brauch. Et ass och an zemol un der Politik, fir d’Leit z’informéieren an ze sensibiliséieren, fir Burn-out, Depressiounen a Suiciden ze verhënneren.

An deem Kader huet den DP-Fraktiounschef Gilles Baum eng Interpellatioun zum Thema Suicide a mental Gesondheet ugefrot, déi Enn Januar an der Chamber debattéiert ginn ass. A senger Interventioun ass de Gilles Baum op d’Wichtegkeet vun der Preventioun an der Prise en charge agaangen. Besonnesch de Manktem u Psychiateren an d’Finanzéierung vun den Therapië géifen engem Suerge maachen.

D’DP wëll d’Präventioun dofir weider stäerken a setzt sech fir eng besser Betreiung vun de Patienten an, andeems de Beruff vum Psychiater revaloriséiert gëtt, z.B. duerch d’Remuneratioun vun de Garden. Ma och de Remboursement vun de Psychotherapie wier scho laang iwwerfälleg, esou de Gilles Baum.

„Mir këmmeren eis”

Wärend der Pandemie huet den Educatiounsminister Claude Meisch besonnesch vill Wäert op d’Gesondheet vun de Kanner a Jugendleche geluecht. D’Rentrée 2020/2021 stoung ganz am Zeeche vun der Campagne – „Mir këmmeren eis. Wuelbefannen an Zukunftschancen“, mam Fokus op d‘Präventioun vu Gewalt- a Suchtverhalen, déi mental Gesondheet, déi sozial Medien an déi sexuell Opklärung. An de Lycéeë ginn d’Équipes de soutien des élèves à besoins spécifiques (ESEB) nach eemol verstäerkt. An Zukunft wäerten och eng Rei Präventiounsprogramme vum Centre psycho-social et d’accompagnement scolaires (CePAS) lancéiert ginn, déi d’Elteren an d’Enseignanten nach eng Kéier iwwert dëse wichtege Sujet sensibiliséiere sollen.

Deelen:

Facebook
Twitter
LinkedIn
Email
WhatsApp

Weider News

Claude Lamberty

E Solidaritéitspak fir Land a Leit

An der Tribune Libre um Radio schwätzt eise Generalsekretär Claude Lamberty dës Woch iwwert den historesche Solidaritéitspak vun 830 Milliounen Euro, op deen d’Tripartite sech gëeenegt huet, fir d’Leit an d’Betriber duerch déi aktuell Kris ze bréngen.

weiderliesen...

Zesumme géint Russland stoen

A senger Tribune libre um Radio schwätzt eisen Deputéierte Gusty Graas iwwert déi russesch Attacke géint d’Ukrain an iwwert d’Mesuren, déi de fräiheetlech gesënnte Länner géint de Regime vum Wladimir Putin zur Verfügung stinn.

weiderliesen...
Yuriko Backes

Yuriko Backes – déi nei Finanzministesch

Als Finanzministesch ass et eng natierlech Prioritéit, dofir ze suergen, datt ons Staatsfinanze weider gesond bleiwen. Da kënne mir nämlech onst Land gezielt op d’Zukunft virbereeden, an zwar andeems mir an déi nohalteg an an déi digital Entwécklung investéieren.

weiderliesen...

Klimabiergerrot

Am Kader vu senger Ried zur Lag vun der Natioun huet de Premier Xavier Bettel d’Iddi vun engem Klimabiergerrot lancéiert. Enn Januar ass et du lassgaang: An der éischter vu ronn 15 Reunioune sinn d’Membere fir d’éischt  iwwert den aktuelle Stand der Dinge a Saache Klimapolitik informéiert ginn.

weiderliesen...