Patrick Krecké, den neie Gemengeconseiller zu Kielen

De Patrick Krecké huet 47 Joer, hien ass Papp vun zwee Meedercher a schafft zanter 23 Joer op enger Bank. De Patrick ass President vum Nouspelter Syndicat d’Initiative, hien ass Member vun der Schoulkommissioun zu Kielen an ass am Elterecomité aktiv. Den 11. Juni 2021 ass de Patrick Nofollger vum Conseiller Tom Hansen ginn.

Firwat hues du dech politesch engagéiert a firwat bei der DP?

Vum Charakter hir beweegen ech gäre Saachen. Ech si relativ spéit an d’Politik komm, an d’DP mat hire liberal-soziale Wäerter war genee déi richteg Wiel fir mech.

Wat sinn deng Prioritéiten als Gemengeconseiller?

Ech setze mech an der Suite vu mengem Virgänger fir eng konstruktiv Oppositiounspolitik an. Ëmmer am Interêt vun eise Bierger. Als Papp vun 2 Meedercher läit mer besonnesch d‘Wuelbefanne vun de Kanner um Häerz.

Wat gefällt dir am beschten an denger Gemeng? 

D’Rou an d‘Gebuergenheet an eiser Gemeng bidden e gudden Ausgläich zum dach hekteschen Alldag. Och den tëschemënschlechen a soziale Kontakt spille fir mech eng grouss Roll, déi duerch d’Multitüd u Veräiner an eiser Gemeng assuréiert gëtt.

Deelen:

Facebook
Twitter
LinkedIn
Email
WhatsApp

Weider News

André Bauler

Talent attraction zu Lëtzebuerg

A senger Tribune Libre um Radio huet eisen Deputéierten André Bauler dës Woch doriwwer geschwat, wéi wichteg et fir Lëtzebuerg ass, fir weider attraktiv fir héichqualifizéiert an innovativ Talenter och aus dem Ausland ze bleiwen; besonnesch am Finanzsekteur.

weiderliesen...
Gusty Graas

E raisonnabelen Accord salarial an der Fonction publique

A senger Tribune Libre um Radio huet de Gusty Graas dës Woch iwwert de leschten Accord salarial an der Fonction publique geschwat. Fir eisen Deputéierten ass dat e raisonnabelen Accord, dee weist, datt de Ressortminister Marc Hansen an d’CGFP e konstruktiven Dialog gefouert hunn, deen och an Zukunft fir soziale Fridden am ëffentlechen Déngscht suergt.

weiderliesen...
Guy Arendt

Eng Digitalisatioun fir all Mënsch

A der Tribune Libre vun der DP huet eisen Deputéierte Guy Arendt dës Woch iwwer d’Wichtegkeet vun der digitaler Inclusioun zu Lëtzebuerg geschwat. Dat heescht iwwer d’Efforten, déi hei am Land geholl ginn, fir datt all Mënsch ka mat an dat neit, digitaalt Zäitalter geholl ginn.

weiderliesen...