Frank Colabianchi

Rapport iwwert den ëffentleche Finanzement vu Spidolsinvestissementer

Fir gutt Spideeler brauche mir déi néideg Investissementer fir de Bau, d‘Moderniséierung an den Entretien vun den Infrastrukturen.

Fir datt déi Investissementer am Aklang mat de Gesetzer sinn, huet de Lëtzebuerger Rechnungshaff e Spezialrapport iwwert den ëffentlechen Finanzement vun de Spidolsinvestissementer aus de Joren 2007 bis 2017 gemaach. Dee Rapport ass an der zoustänneger Budgetskontroll-Kommissioun ënnert d‘Lupp geholl ginn. Et gouf dofir Entrevue mat der Regierung a mat der Cour des comptes.

Den DP-Deputéierten a Kommissiounsmember Frank Colabianchi ass mam Rapport beoptragt ginn, an deem hie verschidde Constate vum Rechnungshaff beliicht an och Recommandatiounen zu de kommenden Investissementer am Spidolswiese formuléiert huet.

Dobäi gouf ë.a. festgehalen, datt de Monitoring vun de Projete säitens der Santé misst verbessert ginn. An enger anerer Recommandatioun gëtt ënnerstrach, datt gemeinsam Reegele musse fir déi kommend Investitiounen opgestallt ginn – egal ob de Staat Bauhär ass oder nëmmen ëffentlech Gelder fir de Projet zur Verfügung stellt.

Deelen:

Facebook
Twitter
LinkedIn
Email
WhatsApp

Weider News

Claude Lamberty

E Solidaritéitspak fir Land a Leit

An der Tribune Libre um Radio schwätzt eise Generalsekretär Claude Lamberty dës Woch iwwert den historesche Solidaritéitspak vun 830 Milliounen Euro, op deen d’Tripartite sech gëeenegt huet, fir d’Leit an d’Betriber duerch déi aktuell Kris ze bréngen.

weiderliesen...