De Wee aus der Kris

Vaccine sinn déi beschte Waff géint de Covid-Virus. Si sinn déi effikasste Léisung, fir en haarden Hierscht a Wanter ze vermeiden.

Ganz vill Residentë si scho komplett geimpft. Si hunn alleguer Verantwortung iwwerholl – fir sech a fir hir Matmënschen. Déi positiv Auswierkunge vun den Impfunge sinn och däitlech an de Spideeler a bei den Doudesfäll ze spieren.

An trotzdeem huet sech eréischt all 4. Bierger hei am Land impfe gelooss. D‘Majoritéit vun de Leit, déi sech nei infizéiert hunn, waren net geimpft. E ganz groussen Deel vun de Patienten op den Intensivstatiounen an de Spideeler ass och net geimpft. An dobäi schützt grad de Vaccin viru schwéiere Covid-Erkrankungen.

Lëtzebuerg huet keng Impfflicht. D’Entscheedung fir de Vaccin bleift jidderengem säi fräie Choix. D’Regierung huet awer eng Verantwortung géigeniwwer der Allgemengheet. Fir d’Kris ze meeschteren muss den Impftaux dofir weider klammen.

D’Regierung huet grouss Efforte gemaach, fir d’Impfen esou einfach ewéi méiglech ze maachen: Ouni Rendezvous an der Victor Hugo-Hal oder am Impfbus, oder bei engem vun de ronn 250 Dokteren, déi an hirem Cabinet impfen. D’Vaccine sinn a bleiwen dat beschte Mëttel géint de Covid-Virus!

Deelen:

Facebook
Twitter
LinkedIn
Email
WhatsApp

Weider News

Guy Arendt

Eng Digitalisatioun fir all Mënsch

A der Tribune Libre vun der DP huet eisen Deputéierte Guy Arendt dës Woch iwwer d’Wichtegkeet vun der digitaler Inclusioun zu Lëtzebuerg geschwat. Dat heescht iwwer d’Efforten, déi hei am Land geholl ginn, fir datt all Mënsch ka mat an dat neit, digitaalt Zäitalter geholl ginn.

weiderliesen...