DP-Remeleng: Eng blo Equipe an der Stad vum roude Buedem

2017 ass der jonker Equipe ronderëm de „Mini“ Wagner zu Rëmeleng e richtege Coup gegléckt. Zanter méi wéi 30 Joer ass nämlech eng nei Faarf an der Stad vum roude Buedem vertrueden: déi blo.

Meckere geet net duer

„D’Majoritéit war därmoosse gewinnt, un der Muecht ze sinn, dass villes an der Gemeng schif gelaf ass. Vill Leit waren onzefridden, mee déi politesch Optioune ware begrenzt: entweder rout oder schwaarz. Dat ass dach kee Choix!“, hält de Mini fest. A well mecke-ren net duer geet, wann een eppes ännere wëll, huet hie mat anere Leit zesummen eng DP-Sektioun zu Rëmeleng gegrënnt – knapp véier Méint virun de Walen. „Et war definitiv eng Erausfuerderung. Mee mir krute vill Ënnerstëtzung vun de Kolleege vun der DP-Käl-Téiteng. De Wëlle fir Verännerung war do a mir hate vill motivéiert Jonker, déi sech engagéiere wollten. Et geet eis net ëm politique politicienne. Mir wëlle konkret eppes beweegen an eis fir d’Leit asetzen.“

Nei Dynamik

Rëmeleng nees méi no vir bréngen a fir frësche Wand an der südlechster Gemeng vum Land ze suergen. Dat ass d’Haaptuleies vun der Rëmelenger DP-Sektioun. „Soss war hei ëmmer eng lass. Et goufe Kinoen, Diskoen, souguer en Tram ass hei gefuer. Haut gëtt et mol keng Bank méi, an d’Post gëtt och deemnächst zougemaach. Mir brauchen eng nei Dynamik an eiser Gemeng.“ Eng Haaptprioritéit ass d’Mobilitéit. Besonnesch wat de Beruffstrafic betrëfft setzt sech d’DP-Rëmeleng fir eng Verkéiersberouegung an d’Stäerke vum ëffentlechen Transport an. Donieft soll d’Situatioun och duerch en neit Park-Konzept a d’Schafe vun engem Shared-Space verbessert ginn.

Konkret Virschléi

D’Rëmelenger DP wëll konkret Politik fir d’Leit maachen. D’Bierger sollen nees méi staark agebonnen an et soll op hir Suerge gelauschtert ginn. Och Rëmeleng wiisst a brauch modern Infrastrukturen, déi un d’Besoine vun de Leit ugepasst ginn. Sief et beim Sport, an der Schoul oder am soziale Beräich. Glécklecherweis konnt den Dossier fir en neit Altersheem mat Hëllef vun der Familljeministesch deblockéiert ginn. Eng aner wichteg Fuerderung vun der lokaler DP ass d’Valoriséierung vum industrielle Patrimoine. „Jidderee kennt de Grouwen-Musée, mee et ginn nach vill aner flott Plazen, déi et derwäert sinn, entdeckt ze ginn!“ Grad elo wier mam Unesco-Programm Man & Biosphere am Kulturjoer Esch2022 de richtege Moment, fir den een oder anere spannende Projet an deem Beräich ze realiséieren. Op deem Wee kéint och den Tourismus am Süden nach méi gefërdert ginn.

Patrick Wagner genannt “Mini”

De Mini Wagner huet a sengem Liewe scho villes gemaach, am bekanntsten ass de fréiere Proprietär vun enger Wiertschaft awer fir seng Travestie-Show Mini’s Crazy Show, déi och nach haut queesch duerch d’Land populär ass. De 55-Järegen ass eréischt spéit an d’Politik komm.

„Et huet mer guer net gefall, wéi d’Saachen hei zu Rëmeleng gelaf sinn, mee et ass ëmmer méi einfach ze meckeren, wéi sech selwer z’engagéieren an et besser ze maachen. Ech wollt eppes veränneren.“

Fir de liberale Conseiller ass et besonnesch wichteg, och de Jonken an der Politik eng Stëmm ze ginn an op si ze lauschteren. Dass d’Jugend engagéiert ass a gutt Iddien huet, dovunner brauch keen hien z’iwwerzeegen: 2017 huet d’DP-Rëmeleng eng vun de jéngste Lëschten am ganze Land presentéiert

Deelen:

Facebook
Twitter
LinkedIn
Email
WhatsApp

Weider Artikelen

Yuriko Backes

Yuriko Backes – déi nei Finanzministesch

Als Finanzministesch ass et eng natierlech Prioritéit, dofir ze suergen, datt ons Staatsfinanze weider gesond bleiwen. Da kënne mir nämlech onst Land gezielt op d’Zukunft virbereeden, an zwar andeems mir an déi nohalteg an an déi digital Entwécklung investéieren.

Klimabiergerrot

Am Kader vu senger Ried zur Lag vun der Natioun huet de Premier Xavier Bettel d’Iddi vun engem Klimabiergerrot lancéiert. Enn Januar ass et du lassgaang: An der éischter vu ronn 15 Reunioune sinn d’Membere fir d’éischt  iwwert den aktuelle Stand der Dinge a Saache Klimapolitik informéiert ginn.

Xavier Bettel

Fokus op Sozial Kohäsioun

A senger Ried zur Lag vun der Natioun huet de Premier Xavier Bettel déi sozial-liberal Richtung vun der Regierung mat weideren Hëllefen am soziale Beräich ënnerstrach.

Gilles Baum

Prost op eise gudde Lëtzebuerger Wäin a Cremant

Kierzlech huet de Gilles Baum eng Interpellatioun zum Lëtzebuerger Wäibau ugefrot. An den Ae vum Ost-Deputéierten ass de Wäibau net nëmmen e wichtege Wirtschaftsfacteur fir eist Land, ma den traditionelle Savoir-Faire ass och en Deel vum nationale Patrimoine. Dofir ass et der DP och wichteg, datt d’Chamber sech reegelméisseg mat deem Sujet befaasst.

Am Spotlight: Sheila Schmit

D’Sheila Schmit huet definitiv hire Wee fonnt. Si huet sech virun 2 Joer komplett als liberal Hiewan selbststänneg gemaach. Virdrun huet si ë.a. 15 Joer am Escher Spidol geschafft. Ma si war ës ebemol midd mat de Schichten, mat der Organisatioun am Spidolswiesen a mat den Aarbechtskonditiounen.