Carole Olinger

Eng staark DP-Ekipp fir d’Forge du Sud

D’Demokratesch Partei ass nees zu Diddeleng vertrueden. Déi 2018 gegrënnte Sektioun zielt aktuell 14 Memberen an ass motivéiert, eppes zu Diddeleng ze beweegen an d’Forge du Sud bei den nächste Gemengewalen 2023 méi blo ze fierwen. D’Sektioun huet eng Panoplie un Iddien, wéi een d’Liewe fir all d’Diddelenger verbessere kann. 5 Prioritéite wëlle mir iech hei virstellen.

D’DP-Diddeleng wëll sech fir ee méi koherent an zukunftsfäegt Mobilitéitskonzept asetzen, dat sech ënnert Anerem duerch besser Infrastrukture fir de Vëlo, eng Verbesserung vun der Beschëlderung a méi direkt Zuchverbindungen tëschent der Stad Lëtzebuerg an Diddeleng auszeechent. Eng vun den Top-Prioritéite vun der Sektioun ass et nämlech, de Stroossentrafic, souwuel am Diddelenger Stadkär, wéi och an de Wunnquartieren, ze reduzéieren.

D’Moderniséierung vun de Schoulinfrastrukturen a méi héich Investissementer beim informateschen Equipement vun de Grondschoulen a vun de Maisons relaise si weider Prioritéiten.Diddeleng ass déi véiertgréisste Stad vum Land a wäert an den nächste Joren nach weider wuessen. Dowéinst ass et der liberaler Partei wichteg, de Spidol-Standuert Diddeleng z’erhalen, fir den Awunner och an Zukunft een exzellenten Accès un d’Gesondheetsservicer z’erméiglechen.

D’Sektioun wëll all den Diddelenger d’Méiglechkeet bidden, sech weider z’entwéckelen an hinne méi Perspektiven ze schafen. Dofir maache mir eis staark fir eng méi grouss Offer u Formatioune fir Erwuessener a Senioren.

Mir setzen eis insgesamt fir Nohaltegkeet, Klima- a Naturschutz an. Eng verstäerkt Sensibiliséierung zu Ëmweltsujeten, wéi Littering, Upcycling an Anti-Gaspillage ass een Haaptuleies, well eng propper Stad méi Liewensqualitéit fir jidderee bedeit. 

Carole Olinger

DP-Diddeleng

D’Presidentin Carole Olinger ass 40 Joer jonk an Enseignante an der Grondschoul zu Diddeleng. Si verbréngt gären Zäit mat der Famill a mat Frënn, och an der Natur. D’Carole huet vill Freed u Sport a Reesen, a genéisst kachen a liesen. Mir hunn d’Carole gefrot, firwat hatt sech politesch engagéiert:

„Engagéiert hunn ech mech, well ech denken, datt et wichteg ass, datt méi Fraen a jonk Mammen sech politesch engagéieren, an d’Zukunft vun hire Kanner matgestalten. Ech sinn och der Meenung, datt et wichteg ass, datt Leit, déi um Terrain schaffen, hier Erfarung a Form vun direktem Feedback mat an d’Politik afléisse loossen. Nodeems ech gefrot gi sinn, fir mech als Kandidatin fir d’Chamberwalen opzesetzen, war et fir mech eng logesch Konsequenz,  och matzehëllefen eng DP-Sektioun zu Diddeleng ze grënnen.”

Deelen:

Facebook
Twitter
LinkedIn
Email
WhatsApp

Weider Artikelen

Yuriko Backes

Yuriko Backes – déi nei Finanzministesch

Als Finanzministesch ass et eng natierlech Prioritéit, dofir ze suergen, datt ons Staatsfinanze weider gesond bleiwen. Da kënne mir nämlech onst Land gezielt op d’Zukunft virbereeden, an zwar andeems mir an déi nohalteg an an déi digital Entwécklung investéieren.

Klimabiergerrot

Am Kader vu senger Ried zur Lag vun der Natioun huet de Premier Xavier Bettel d’Iddi vun engem Klimabiergerrot lancéiert. Enn Januar ass et du lassgaang: An der éischter vu ronn 15 Reunioune sinn d’Membere fir d’éischt  iwwert den aktuelle Stand der Dinge a Saache Klimapolitik informéiert ginn.

Xavier Bettel

Fokus op Sozial Kohäsioun

A senger Ried zur Lag vun der Natioun huet de Premier Xavier Bettel déi sozial-liberal Richtung vun der Regierung mat weideren Hëllefen am soziale Beräich ënnerstrach.

Gilles Baum

Prost op eise gudde Lëtzebuerger Wäin a Cremant

Kierzlech huet de Gilles Baum eng Interpellatioun zum Lëtzebuerger Wäibau ugefrot. An den Ae vum Ost-Deputéierten ass de Wäibau net nëmmen e wichtege Wirtschaftsfacteur fir eist Land, ma den traditionelle Savoir-Faire ass och en Deel vum nationale Patrimoine. Dofir ass et der DP och wichteg, datt d’Chamber sech reegelméisseg mat deem Sujet befaasst.

Am Spotlight: Sheila Schmit

D’Sheila Schmit huet definitiv hire Wee fonnt. Si huet sech virun 2 Joer komplett als liberal Hiewan selbststänneg gemaach. Virdrun huet si ë.a. 15 Joer am Escher Spidol geschafft. Ma si war ës ebemol midd mat de Schichten, mat der Organisatioun am Spidolswiesen a mat den Aarbechtskonditiounen.