Méi Renaturéierung an e bessere Warnsystem

D’Iwwerschwemmungen dëse Summer hunn eist Land onerwaart schro getraff. Am Verglach mat den Nopeschlänner, hat Lëtzebuerg Chance, dass kee Mënsch blesséiert ginn ass. Ma och bei eis hu sech dramatesch Zeenen ofgespillt an d’Waasser huet en enorme Schued gemaach. Dat zousätzlech zu enger Corona-Kris, déi scho fir sech eleng vill Leit a Betriber belaascht.

Mee grad ewéi an der Pandemie hunn d’Leit och beim Héichwaasser eemol méi gewisen, wat Solidaritéit heescht: Pompjeeën, déi ronderëm d’Auer am Asaz waren, Noperen, déi sech ënner d’Ärem gegraff hunn, a Fräiwëlleger aus dem ganze Land, déi gehollef hu fir de Knascht ewechzeraumen. Den Zesummenhalt an der Krisesituatioun war immens grouss.

Iechternach war eng vun de Gemengen, déi et am Schlëmmsten erwëscht huet. Fir d’Deputéiert an Gemengeconseillère Carole Hartmann si vill Leit vun den Ausmoosse vun den Iwwerschwemmungen iwwerrascht ginn oder hunn d’Allerten net eescht geholl. Op deem Wee hätt de Schued awer kéinten op mannst deelweis reduzéiert ginn. Dowéinst misst de Warnsystem verbessert ginn, fir dass déi betraffe Leit och alleguer a mat Zäit kënnen erreecht ginn.

Och zu Beetebuerg stoung d’Waasser an de Kelleren. Dem Schäffen an Deputéierte Gusty Graas no, brauch d’Waasser erëm méi Plaz fir sech do auszebreeden, wou et kee Schued mécht. Gemengen, an deene Baachen a Flëss scho renaturéiert gi sinn, ware vum Héichwaasser effektiv manner betraff. De Gusty Graas huet dowéinst eng Interpellatioun an der Chamber ugefrot, fir dass an deem Beräich an Zukunft eppes ënnerholl gëtt.

Deelen:

Facebook
Twitter
LinkedIn
Email
WhatsApp

Weider News

Claude Lamberty

E Solidaritéitspak fir Land a Leit

An der Tribune Libre um Radio schwätzt eise Generalsekretär Claude Lamberty dës Woch iwwert den historesche Solidaritéitspak vun 830 Milliounen Euro, op deen d’Tripartite sech gëeenegt huet, fir d’Leit an d’Betriber duerch déi aktuell Kris ze bréngen.

weiderliesen...

Zesumme géint Russland stoen

A senger Tribune libre um Radio schwätzt eisen Deputéierte Gusty Graas iwwert déi russesch Attacke géint d’Ukrain an iwwert d’Mesuren, déi de fräiheetlech gesënnte Länner géint de Regime vum Wladimir Putin zur Verfügung stinn.

weiderliesen...
Yuriko Backes

Yuriko Backes – déi nei Finanzministesch

Als Finanzministesch ass et eng natierlech Prioritéit, dofir ze suergen, datt ons Staatsfinanze weider gesond bleiwen. Da kënne mir nämlech onst Land gezielt op d’Zukunft virbereeden, an zwar andeems mir an déi nohalteg an an déi digital Entwécklung investéieren.

weiderliesen...

Klimabiergerrot

Am Kader vu senger Ried zur Lag vun der Natioun huet de Premier Xavier Bettel d’Iddi vun engem Klimabiergerrot lancéiert. Enn Januar ass et du lassgaang: An der éischter vu ronn 15 Reunioune sinn d’Membere fir d’éischt  iwwert den aktuelle Stand der Dinge a Saache Klimapolitik informéiert ginn.

weiderliesen...