Nationalkongress 2021

D’lescht Joer hu mir all zesumme Geschicht geschriwwen. Als éischt Partei zu Lëtzebuerg huet d’DP een demokrateschen, innovativen an interaktiven Digitalkongress op d’Bee gesat. Och dëst Joer war den Digitalkongress am Celo zu Hesper e grousse Succès: Méi wéi 1.300 Membere waren iwwer Zoom dobäi oder hunn de Kongress live iwwer Facebook a Youtube suivéiert. 

A Krisenzäite Verantwortung iwwerholl

No der Begréissung vum Generalsekretär Claude Lamberty huet eis Parteipresidentin Corinne Cahen d’Regierungsaarbecht wärend der Kris ervirgehuewen. D’Regierung hätt ënnert dem Lead vum Xavier Bettel eng responsabel Politik gemaach, wou d’Gesondheet vun de Leit un éischter Plaz gestanen hätt. Eng Politik, déi d’Schëff sécher duerch déi stiermesch Zäite bruecht hätt. De Premier Xavier Bettel huet ënnerstrach, datt Lëtzebuerg vun Ufank u säin eegene Wee gaange wier. Et hätt een d’Pandemie am internationale Verglach gutt gemeeschtert.

De Fraktiounspresident Gilles Baum, den Europadeputéierte Charel Goerens, d’FCCD-Presidentin Martine Dieschburg-Nickels, d’Jonk Demokraten an d’Bezierkspresidente si per Video um Kongress intervenéiert.

Live Q&A

D’Corinne Cahen an de Xavier Bettel hu sech och nees am Kader vun enger Live-Froeronn Q&A de Froe vun de Membere gestallt, éier de Claude Lamberty d’Resultater vun de statutaresche Wale bekannt ginn huet. Iwwer 130 Kandidaten hate sech ë.a. fir d’Poste vum Bezierkspresident, fir de Comité Directeur a fir d’Regionalcomitéen opgesat.

D’Land op d’Zukunft preparéieren

D’Corinne Cahen huet de Bléck och op dat wichtegt Waljoer 2023 geriicht. Am Kader vu Workshoppe soll elo schonn un de Kärelementer vum nächste Walprogramm geschafft ginn. Egal ob Logement, Klima oder déi wirtschaftlech Relance: Et géing vill ze schaffen, fir d’Land op d’Zukunft ze preparéieren. Eng Aufgab, déi d’DP voller Elan, mat neien Iddien an engagéierte Mandatairen a Memberen ugeet.

Hei fannt Dir de Replay an d’Fotoe vum Kongress:

YouTube

By loading the video, you agree to YouTube's privacy policy.
Learn more

Load video

Digitalkongress 2021

Deelen:

Facebook
Twitter
LinkedIn
Email
WhatsApp

Weider Artikelen

Yuriko Backes

Yuriko Backes – déi nei Finanzministesch

Als Finanzministesch ass et eng natierlech Prioritéit, dofir ze suergen, datt ons Staatsfinanze weider gesond bleiwen. Da kënne mir nämlech onst Land gezielt op d’Zukunft virbereeden, an zwar andeems mir an déi nohalteg an an déi digital Entwécklung investéieren.

Klimabiergerrot

Am Kader vu senger Ried zur Lag vun der Natioun huet de Premier Xavier Bettel d’Iddi vun engem Klimabiergerrot lancéiert. Enn Januar ass et du lassgaang: An der éischter vu ronn 15 Reunioune sinn d’Membere fir d’éischt  iwwert den aktuelle Stand der Dinge a Saache Klimapolitik informéiert ginn.

Xavier Bettel

Fokus op Sozial Kohäsioun

A senger Ried zur Lag vun der Natioun huet de Premier Xavier Bettel déi sozial-liberal Richtung vun der Regierung mat weideren Hëllefen am soziale Beräich ënnerstrach.

Gilles Baum

Prost op eise gudde Lëtzebuerger Wäin a Cremant

Kierzlech huet de Gilles Baum eng Interpellatioun zum Lëtzebuerger Wäibau ugefrot. An den Ae vum Ost-Deputéierten ass de Wäibau net nëmmen e wichtege Wirtschaftsfacteur fir eist Land, ma den traditionelle Savoir-Faire ass och en Deel vum nationale Patrimoine. Dofir ass et der DP och wichteg, datt d’Chamber sech reegelméisseg mat deem Sujet befaasst.

Am Spotlight: Sheila Schmit

D’Sheila Schmit huet definitiv hire Wee fonnt. Si huet sech virun 2 Joer komplett als liberal Hiewan selbststänneg gemaach. Virdrun huet si ë.a. 15 Joer am Escher Spidol geschafft. Ma si war ës ebemol midd mat de Schichten, mat der Organisatioun am Spidolswiesen a mat den Aarbechtskonditiounen.